Reit­ir, stærsta fast­eigna­fé­lag lands­ins, lauk hluta­fjár­út­boði sínu á dög­unum og hefur Arion banki umsjón með útboð­inu. Sam­kvæmt til­kynn­ingu félags­ins í morgun varð mikil umfram­eft­ir­spurn í útboð­inu en mark­aðsvirði félags­ins, sam­kvæmt með­al­geng­inu í við­skiptum með bréf­in, nemur um 48 millj­örðum króna.   Bæði almenn­ingi og fag­fjár­festum bauðst að kaupa bréf í félag­inu en nú er ljóst að fjár­festar fá ekki eins mörg bréf og þeir hefðu vilj­að.

Sölu­and­virði nemur 6,4 millj­örðum króna, en um 3.600 fjár­festar ósk­uðu eftir að kaupa hluta­bréf í Reit­um, sam­kvæmt til­kynn­ingu frá í morg­un. Heild­ar­eft­ir­spurn var 25,5 millj­arð­ar, en Arion banki seldi sem nemur 13,25 pró­sent af heild­ar­hlutafé í félag­inu.

Verð­mætt eigna­safn

Eigna­safn Reita saman stendur af mörgum af verð­mæt­ustu fast­eignum lands­ins.  Mik­il­væg­asta ein­staka eign félags­ins er Kringlan en félagið á einnig margar verð­mætar eignir mið­svæðis í Reykja­vík.  Félagið á stórt eigna­safn í versl­un­ar­hús­næði til við­bótar við Kringl­una, t.d. Holta­garða, Spöng­ina, Mjódd­ina og Eiðis­torg. Þá á félagið t.a.m. tvær stórar Icelandair hót­el­eign­ir; Hilton Reykja­vík hótel og Icelandair Natura.

Til­koma Reita verður annað fast­eigna­fé­lagið sem bæt­ist í hóp ­fé­laga í Kaup­höll­inn­i.  Þar er fyrir fast­eigna­fé­lagið Reg­inn og von er á Eik fast­eigna­fé­lagi í Kaup­höll­ina á næst­unn­i.  Ef allt gengur að óskum verða bréfin í Reitum tekin til við­skipta í Kaup­höll­inni þann 9. apríl næst­kom­andi.

Fjár­hags­legri end­ur­skipu­lagn­ingu Reita lauk end­an­lega fyrir skemmstu og komu nokkrir af helstu líf­eyr­is­sjóðum lands­ins með nýtt hlutafé inní félag­ið. Fjár­hags­lega stendur félagið sterkt eftir þessa end­ur­skipu­lagn­ingu.

Bankar selja lítið

At­hygli vekur að af íslensku bönk­unum er það ein­ungis Arion banki sem selur hlut af sínum eign­ar­hlut í útboð­in­u.  Það teng­ist því lík­lega, án þess að það sé full­yrt hér, að Arion banki er umsjón­ar­að­ili útboðs­ins.  Arion banki átti fyrir um 22% í Reitum en seldi 13,25% í útboð­inu og halda eftir 8,7%. Lands­bank­inn á 17,7% hluta­fjár í Reitum en seldi ekk­ert í útboð­inu. Íslands­banki á 3,9% hlut í Reitum og seldi heldur ekk­ert í útboð­inu. Loks á Glitnir hf (slita­bú) 6,25% hluta­fjár í félag­inu og seldi heldur ekk­ert af sínum hlut.

Reitir hf
hluta­fjár­eign bank­anna 16/3/2015
	Eign fyrir útboð	Eign eftir útboð
Arion banki	21,97%	8,72%
Lands­bank­inn	17,66%	17,66%
Íslands­banki	3,86%	3,86%
Glitnir (+ Haf Fund­ing)	6,25%	6,25%
Sam­tals bankar og slitabú Glitnis	49,74%	36,49%

Í takt við reglur Sam­keppn­is­eft­ir­lits­ins?

Sam­kvæmt til­mælum Sam­keppn­is­eft­ir­lits­ins eiga fjár­mála­fyr­ir­tæki að selja eign­ar­hluti í félögum í óskyldum rekstri svo fljótt sem auðið er, en meg­in­reglan í lögum um fjár­mála­fyr­ir­tæki er sú að bankar eigi ekki að stunda óskyldan rekst­ur. Fjár­mála­eft­ir­litið getur síðan veitt und­an­þágur frá laga­á­kvæðum um þetta, og hefur verið dug­legt við það, jafn­vel þó nú séu brátt sjö ár frá hruni og sér­stökum aðstæðum sem þá sköp­uð­ust í kjöl­far­ið, þar sem bankar urðu hlut­hafar í mörgum fyr­ir­tækj­um.

Í ljósi mik­illar umfram­eft­ir­spurnar er aug­ljóst að end­ur­reist­u ­bank­arnir þrír, Arion banki, Lands­bank­inn og Íslands­banki, hefðu allir getað selt mun meira af sínum eign­ar­hlut, en vilja greini­lega freista þess að eiga eigna­hlut­ina leng­ur, og fá meira fyrir þá.