Félags­menn Starfs­greina­sam­bands Íslands (SGS) sam­þykktu verk­falls­að­gerðir sam­bands­ins með 94,6 pró­sent atkvæða. Verk­falls­að­gerðir rúm­lega tíu þús­und félags­manna SGS hefj­ast því í næstu viku. Þetta kemur fram í til­kynn­ingu sem Drífa Snædal, fram­kvæmda­stjóri SGS, sendi frá sér rétt í þessu. Um 42 pró­sent atkvæð­is­bærra félaga í SGS starfa á mat­væla­sviði (fisk­vinnslu, afurða­stöðv­um, kjöt­vinnslum og í slát­ur­hús­um) en 32 pró­sent eru í þjón­ustu­greinum (ferða­þjón­ustu, ræst­ingum o.fl.). Aðrir hópar telja bygg­ing­ar­starf­semi og mann­virkja­gerð, iðnað og far­ar­tækja- og flutn­ings­grein­ar.

Þar segir að kjör­sókn hafi verið 50,4 pró­sent en þátt­taka í kosn­ing­unni jókst eftir því sem leið á vik­una sam­fara mik­illi umfjöllun og umræðu sem varð um kjara­mál síð­ustu daga í þjóð­fé­lag­inu. Kjör­sóknin var umtals­vert meiri en vænt­ingar verka­lýðs­fé­lag­anna höfðu staðið til­. ­Björn Snæ­björns­son, for­maður SGS, seg­ist fagna mik­illi kjör­sókn. "Verk­föll eru alltaf síð­asta úrræðið og við vonum að það náist að semja fyrir 30. apr­íl. Þó getum við ekki verið of von­góð miðað við það sem komið hefur frá full­trúum Sam­taka atvinnu­lífs­ins. Þá skiptir máli að nið­ur­staðan í kosn­ing­unni var skýr, félags­menn eru til­búnir í verk­fall. Kjör­sókn upp á 50,4%  þar sem 95% lýsa einni afstöðu, er mjög hátt hlut­fall. Sér­stak­lega þegar litið er til þess um hversu fjöl­breyttan hóp fólks er að ræða, t.a.m. far­and­verka­fólk, skóla­fólk og fólk í hluta­störf­um. Kjör­sóknin var einnig meiri á þeim stöðum þar sem fisk­vinnsla er und­ir­stöðu­grein og kemur það okkur síst á óvart, enda er órétt­lætið í því hvernig gæð­unum er skipt alveg hróp­andi í sjáv­ar­út­veg­in­um."

Kosið var í 16 aðild­ar­fé­lögum Starfs­greina­sam­bands­ins um tvo aðal­kjara­samn­inga, nið­ur­stöður skipt eftir aðild­ar­fé­lögum og samn­ingum má sjá á vef Starfs­greina­sam­bands­ins.

Verk­fall félags­manna SGS hefst fimmtu­dag­inn 30. apríl og stendur fyrst um sinn yfir í hálfan sól­ar­hring, frá hádegi til mið­nætt­is. Eftir það taka við reglu­leg sól­ar­hrings­verk­föll þar til ótíma­bundið verk­fall hefst 26. maí. Ljóst er að verk­föllin munu hafa mikil áhrif á fjölda vinnu­staða um land allt.

Tíma­setn­ingar verk­falls­að­gerð­anna:

30. apríl 2015 Alls­herjar vinnu­stöðvun frá klukkan 12:00 á hádegi til mið­nættis sama dag.

6. maí 2015 Alls­herjar vinnu­stöðvun frá mið­nætti til mið­nættis (allur 6. maí).

7. maí 2015 Alls­herjar vinnu­stöðvun frá mið­nætti til mið­nættis (allur 7. maí).

19. maí 2015 Alls­herjar vinnu­stöðvun frá mið­nætti til mið­nættis (allur 19. maí).

20. maí 2015 Alls­herjar vinnu­stöðvun frá mið­nætti til mið­nættis (allur 20. maí).

26. maí 2015 Ótíma­bundin vinnu­stöðvun hefst á mið­nætti aðfara­nótt 26. maí 2015.