Voda­fone hefur komið á fót áskrift­ar­veitu með sjón­varps­efni sem aðgengi­legt verður í Voda­fone Sjón­varpi, sem ber nafnið Voda­fone PLAY. Þetta kemur fram í til­kynn­ingu frá Voda­fo­ne.

„Með Voda­fone PLAY fá áskrif­endur ótak­mark­aðan aðgang að fjölda íslenskra og erlendra kvik­mynda, tón­leik­um, barna­efni og upp­lesnum ævin­týrum – hvenær sem þeim hent­ar. Um er að ræða fyrstu íslensku alhliða áskrift­ar­veit­una fyrir alla fjöl­skyld­una, í anda hinnar vin­sælu veitu Net­fl­ix,“ segir í til­kynn­ingu frá Voda­fo­ne.

Frá og með fimmtu­deg­inum 16. apríl geta allir við­skipta­vinir með gagn­virkt sjón­varp Voda­fone prófað Voda­fone PLAY án skuld­bind­inga og við­bótar end­ur­gjalds, til og með 31. maí næst­kom­andi. Voda­fone PLAY mun birt­ast sjálf­krafa í aðal­val­mynd sjón­varps­þjón­ust­unn­ar. Við­skipta­vinir sem skrá sig í þjón­ust­una á þessu tíma­bili fá hana án við­bótar kostn­aðar til og með 30. júní en eftir það kostar þjón­ustan 2.490 krónur á mán­uði. Engu skiptir hversu oft er horft á efni, öll notkun áskrift­ar­veit­unnar er inni­falin í mán­að­ar­gjald­inu, segir í til­kynn­ing­unni.

Stefán Sig­urðs­son for­stjóri Voda­fone segir þetta spenn­andi nýj­ung hjá félag­in­u. „Um allan heim er að eiga sér stað spenn­andi sam­spil afþrey­ing­ar­efnis og fjar­skipta. Með Voda­fone PLAY færum við við­skipta­vinum okkar fyrstu áskrift­ar­veit­una fyrir alla fjöl­skyld­una sem er sér­hönnuð fyrir íslenskan mark­að. Mik­ill vöxtur Net­flix á alþjóða­vísu, sýnir glöggt að við­skipta­vinir kunna vel að meta þessa teg­und sjón­varps­þjón­ustu. Voda­fone PLAY er þannig mik­il­væg við­bót við annað fram­boð sjón­varps­þjón­ustu á Íslandi og und­ir­strikar metnað okkar til að vera í far­ar­broddi á því svið­i.”