Banka­sýsla rík­is­ins segir að Stein­grímur J. Sig­fús­son, þáver­andi fjár­mála­ráð­herra, hafi skort laga­heim­ild til að fram­selja eign­ar­hluti rík­is­ins í Arion banka og Íslands­banka til slita­búa Kaup­þings og Glitnis síðla árs 2009. Yfir­taka slita­bú­anna á umræddum eignum teld­ist til ráð­stöf­unar á eignum rík­is­ins sam­kvæmt áliti Rík­is­end­ur­skoð­unar og því hefði þurft að afla heim­ildar í fjár­lögum fyrir árið 2010 fyrir henni. Það var ekki gert enda voru samn­ingar um fram­salið gerðir ann­ars vegar 3. sept­em­ber og hins vegar 15. októ­ber 2009. Fjár­lög voru hins vegar ekki sam­þykkt á Alþingi fyrr en 22. des­em­ber sama ár, eða rúmum tveimur mán­uðum eftir síð­ari samn­ing­inn. Þetta kemur fram í umsögn Banka­sýslu rík­is­ins um frum­varp fjár­mála- og efna­hags­ráð­herra til laga um með­ferð og sölu eign­ar­hluta rík­is­ins í fjár­mála­fyr­ir­tækj­um. Morg­un­blaðið hefur umsögn­ina undir höndum og greinir frá henni í dag.

Guð­mundur Áma­son, ráðu­neyt­is­stjóri í fjár­mála- og efna­hags­ráðu­neyt­inu, er sagður hafa sett þrýst­ing á Banka­sýsl­una um skipun stjórn­ar­for­manns í fjár­mála­fyr­ir­tæki sum­arið 2014. Hann sést hér með Bjarna Bene­dikts­syni, fjár­mála- og efna­hags­ráð­herra.

Í umsögn­inni full­yrðir Jón Gunnar Jóns­son, for­stjóri Banka­sýsl­unn­ar, að Guð­mundur Árna­son, ráðu­neyt­is­stjóri í fjár­mála- og efna­hags­ráðu­neyt­inu, hafi reynt að hlut­ast til um skipan stjórn­ar­for­manns fjár­mála­fyr­ir­tækis sem ríkið á eign­ar­hlut í með sím­tölum við sig í júní og júlí 2014. Hann hafi einnig reynt að fá stjórn­ar­fundi í sama fyr­ir­tæki frestað. Fjár­mála­fyr­ir­tækið sem um ræðir er ekki nefnt í umfjöllun Morg­un­blaðs­ins um umsögn­ina. For­stjór­inn mót­mæli umræddum afskipt­um, taldi þau ekki í sam­ræmi við lög og upp­lýsti stjórn stofn­un­ar­innar um afskipt­in.

Stofn­unin heldur því einnig fram að með flutn­ingi verk­efna hennar inn í ráðu­neytið muni hættan á hags­muna­á­rekstrum aukast og að rík­is­sjóður verði fyrir veru­legu fjár­tjóni. Í umsögn­inni er bent á að málum sé hvergi hagað með þeim hætti að fjár­mála­ráðu­neyti fari með eign­ar­hluti við­kom­andi ríkis í fjár­mála­stofn­unum og eru Bret­land, Holland, Grikk­land og Spánn nefnd sem dæmi. Hvergi í sam­an­burð­ar­löndum sé eign­ar­hlutur rík­is­ins jafn hátt hlut­fall af þjóð­ar­fram­leiðslu og hér­lend­is, eða tæp 14 pró­sent.