Mál BHM gegn íslenska rík­inu verður flutt þann 3. júlí næst­kom­andi. Það var þing­fest í dag fyrir hér­aðs­dómi Reykja­víkur en málið fær flýti­með­ferð fyrir dóm­stól­um. BHM telur að þau lög sem stjórn­völd settu á verk­falls­að­gerðir stétt­ar­fé­laga BHM hafi verið ólög­mæt. Í stefnu BHM gegn íslenska rík­inu segir að engin rök hafi verið færð fram sem sýni fram á neyð­ar­stöðu vegna verk­falls­að­gerða og að svo virð­ist sem geð­þótta­á­kvörðun hafi ráðið því að lög hafi verið sett sem banna verk­föll stétt­ar­fé­laga BHM.

Kjara­deilu aðild­ar­fé­laga BHM var vísað til rík­is­sátta­semj­ara í lok mars síð­ast­liðn­um. Haldnir voru 24 fundir sem báru ekki árang­ur. Þann 13. júní síð­ast­lið­inn voru sam­þykkt lög á Alþingi sem bönn­uðu verk­föll Félags geisla­fræð­inga, Félags líf­einda­fræð­inga, Ljós­mæðra­fé­lagss Íslands, Félags íslenskra nátt­úru­fræð­inga, Stétt­ar­fé­lags lög­fræð­inga hjá Sýslu­mann­inum á höf­uð­borg­ar­svæð­inu, Stétt­ar­fé­lags háskóla­manna á mat­væla- og nær­inga­sviði, Dýra­lækn­inga­fé­lags Íslands hjá Mat­væla­stofnun og Félags háskóla­mennt­aðra starfs­manna ­Stjórn­ar­ráðs­ins hjá Fjár­sýslu rík­is­ins. Þegar lög voru sett höfðu verk­falls­að­gerðir staðið yfir í á þriðja mán­uð. „Að mati stefn­anda felur setn­ing laga 31/2015 í sér ólög­mætt inn­grip í starf­semi frjáls­ra, lög­legra félags­sam­taka og leitar því full­tingis dóm­stóla til að fá hlut félaga sinn rétt­an,“ segir í stefnu BHM.