Ólafur Ragnar Gríms­son, for­seti Íslands, segir að hann líti svo á að meiri­hluti þjóð­ar­innar vilji að mál­skots­réttur for­seta haldi sér. Sagan hafi sýnt að böl­sýn­is­spár þeirra sem harð­ast börð­ust gegn því að for­set­inn gæti sett lög í þjóð­ar­at­kvæða­greiðslu hafi alls ekki reynst á rökum reist­ar. Þá hefur hann ekki ákveðið hvort hann ætli að bjóða sig fram til emb­ættis for­seta aftur á næsta ári, en að hann hafi bæði fengið áskor­anir um að halda áfram og hætta. Ólafur Ragnar verður búinn að vera for­seti Íslands í 20 ár þegar kosið verður til emb­ætt­is­ins á næsta ári.

Þetta kemur fram í við­tali Sölva Tryggva­sonar við Ólaf Ragnar í þætt­inum Fólk og frum­kvæði sem sýndur verður á sjón­varps­stöð­inni Hring­braut í kvöld.

https://www.youtu­be.com/watch?v=EP­Bc9oMn-zo

Í við­tali við sjón­varps­þátt­inn Eyj­una í nóv­em­ber 2014 sagði Ólafur Ragnar að hefð væri fyrir því að for­setar lands­ins til­kynn­i hvort þeir ætli að hætta eður ei í nýársávarpi eða við setn­ingu þings. Í þætti Sölva segir Ólafur Ragnar að hann muni til­kynna um fram­boð sitt í nýársávarpi sínu um kom­andi ára­mót.

Þar tjáir Ólafur Ragnar sig einnig um fjar­veru sína úr for­seta­af­mæli Vig­dísar Finn­boga­dóttur fyrr í sum­ar. Hann segir að við­burð­ur­inn hafi ekki gert ráð fyrir hon­um. Verið hefði að heiðra Vig­dísi og hann vildi ekki taka athygli frá henni. Þess vegna hafi gagn­rýnin sem sett hafi verið fram verið sér­kenni­leg.

https://www.youtu­be.com/watch?t=16&v=J9-JmDqgoRM

Ólaf­ur Ragnar ræðir líka mis­skipt­ingu í við­tal­inu og segir að í litlu sam­fé­lagi eins og því íslenska finni fólk alltaf meira fyrir henni en ann­ars stað­ar. Alltaf sé hægt að gera betur í að skipta gæðum jafn­ar.