Þótt það átti sig ekki allir á hvaða hljóm­sveit Chumbawamba var þá hafa lík­ast til flestir sem voru með aldur til að kom­ast inn á skemmti­staði undir lok síð­ustu aldar dansað og sungið með ofursmell­inum Tubt­hump­ing mun oftar þeir kæra sig um að muna eft­ir. Eða heyrt hann þegar þeir spil­uðu FIFA World Cup ´98 tölvu­leik­inn af áfergju, þar sem lagið lék stórt hlut­verk.

https://www.youtu­be.com/watch?v=R­TjC6rx­Hz8g

Það sem fæstir vita er að á bak­við þetta eins smells undur er stór­merki­leg saga um anar­kista, aðgerð­ar­sinna og hús­töku­fólk sem höfðu verið að í tæpa tvo ára­tugi áður en þeir slógu allt í einu í gegn með þessu óvænta, og að mati margra óþol­andi, popp­lagi.

Nú ætlar Dunstan Bruce, fyrrum for­sprakki sveit­ar­inn­ar, að gera heim­ild­ar­mynd um hina ósögðu sögu Chumbawamba. Myndin heitir auð­vitað „I Get Knocked Down“ eftir fræg­ustu lín­unni úr Tubt­hump­ing.  Og hann er þegar búinn að safna fyrir henni á hóp­fjár­mögn­un­ar­síð­unni Kickstarter.

Gáfu mest alla pen­ing­anna sína

Í kynn­ing­ar­mynd­bandi vegna söfn­un­ar­innar segir Bruce frá því að þótt flestir muni ein­ungis eftir honum sem söngv­ar­anum með aflit­aða hárið, mask­ar­ann og eyrna­hring­ina ­sem sem söng „I get knocked down/But I get up aga­in/You're never going to keep me down“. Hann segir þó að vel­gengni þess lags hafi ein­ungis verið topp­ur­inn á mjög stórum ísjaka sem sé stór­kost­lega fyndin saga Chumbawamba sem hófst upp úr 1980 og lauk ekki fyrr en árið 2012.

https://d2pq0u4un­i88oo.clou­dfront.­net/project­s/1844056/vid­eo­-555482-h264_hig­h.mp4

Bruce lofar stór­skemmti­legri nið­ur­stöðu nái hann að gera mynd­ina. Það er nefni­lega að mörgu að taka hjá Chumbawamba sem fólk hefur almennt enga hug­mynd um. Til dæmis sagan á bak­við það þegar hljóm­sveit­ar­með­limir helltu vatni yfir ráð­herra Verka­manna­flokks­ins á Brit-verð­launa­há­tíð­inni 1998, háfu nán­ast alla pen­ing­anna sem þeir græddu þegar frægð­ar­sól þeirra steig hæst til að fjár­magna allskyns andóf og höfn­uðu 1,5 milljón dala til­boði frá Nike, sem vildi nota lagið fræga í aug­lýs­ingu, 30 sek­úndum eftir að það var sett fram.

Með­limir Chumbawamba helltu vatni yfir John Prescott á Brit-verð­launa­há­tíð­inni árið 1998.

Bruce er þegar búin að ná því mark­miði sínu að safna 40 þús­und pundum í gegnum Kickstarter. Alls hafa, þegar þetta er skrif­að, tæp­lega 1.200 manns sam­þykkt að láta fé renna til verk­efn­is­ins. Og enn er tími til að bæta við þar sem söfn­unin klár­ast ekki fyrr en á morg­un.