Guð­mundur Stein­gríms­son, for­maður Bjartrar fram­tíð­ar, seg­ist hafa engan áhuga á því að taka þátt í for­manns­slag. Hann sé til­bú­inn að gegna öðrum hlut­verkum innan flokks­ins heldur en að vera for­maður hans og styðji til­lögu um að helstu emb­ætti flokks­ins róter­ist á milli fólks. „Ég vil ganga í öll þau störf sem flokks­menn kunna að fela mér og gera mitt allra besta til að styðja aðra, sem aðhyll­ast okkar hug­sjón­ir, í sömu verk­um. Það á eng­inn að starfa í Bjartri fram­tíð með því skil­yrði að hann sé for­mað­ur, eins og það sé aðal­at­rið­ið. Það gildir um mig, og aðra.“

Þetta segir Guð­mundur í færslu á Face­book í dag. Eru þetta hans fyrstu við­brögð frá því að Heiða Kristín Helga­dótt­ir, fyrrum stjórn­ar­for­maður flokks­ins og vara­þing­mað­ur, sagði í Viku­lokum á Rás 1 á laug­ar­dag að hún sé til­bú­inn að ger­ast for­maður flokks­ins. Árs­fundur Bjartrar fram­tíðar verður hald­inn í byrjun sept­em­ber.

„Ég hef þá trú að í hverjum erf­iðum kring­um­stæð­um, hvort sem það er innan flokks, í þjóð­fé­lags­mál­unum eða hvar ann­ars stað­ar, sé hægt finna leið sem ein­kenn­ist af kær­leika. Hann er kraftur sem er alltaf til stað­ar, en getur verið mis­erfitt að finna. Ég veit þetta kann að hljóma full hug­ljúft í eyrum ein­hverra, en ég meina þetta. Kær­leikur er kraftur sem gerir aðstæður betri,“ segir Guð­mundur á Face­book. færsl­una má lesa í heild hér að neð­an.

Fylgi Bjartrar fram­tíðar hefur hríð­fallið und­an­far­ið. Í könnun sem MMR birti í vik­unn­i ­sögð­ust ein­ungis 4,4 pró­sent kjós­enda ætla að kjósa flokk­inn. Miðað við það fylgi myndi Björt fram­tíð ekki ná inn manni í kom­andi kosn­ing­um. Í nýj­ustu könnun Gallup mælist fylgi Bjartrar fram­tíðar fimm pró­sent Flokk­ur­inn mæld­ist með um 20 pró­sent fylgi í könn­unum  í fyrra­haust.