Guð­mundur Stein­gríms­son, for­maður Bjartrar fram­tíð­ar, segir flokk­inn hafa sog­ast inn í mjög hefð­bundna og súra atburða­rás. Hann ætlar að leggja til breyt­ing­ar­til­lögu á hvernig valið verður í for­ystu flokks­ins á árs­fundi Bjartrar fram­tíðar í sept­em­ber.

„Þetta er margend­ur­tekin tugga í íslenskri flokkapóli­tík. Fylgið dal­ar, for­maður þarf að taka ábyrgð, það er for­manns­slagur og síðan stendur eftir laskað fley,“ sagði Guð­mundur í sam­tali við Kjarn­ann. „Það er ekki þráður í mér sem langar að fara út í svona. Ég hef bara engan áhuga á að fara með flokk­inn í þessa átt.“

Guð­mundur skýrði breyt­ing­ar­til­lögu sína á Face­book í dag. Í sam­tali við Kjarn­ann segir hann hug­mynd­ina hafa komið upp í sam­tölum innan flokks­ins, þar séu þing­konur flokks­ins ekki síst hug­mynda­smið­irn­ir. „Það hefur verið imprað á því hvort við eigum ekki ein­fald­lega að láta þetta for­manns­hlut­verk, stjórn­ar­for­mennsku­hlut­verkið og þing­flokks­for­mennsku­hlut­verkið róter­ast milli fólks. Fleiri tækju ábyrgð á þessu. Dreifa ábyrgð­inn­i,“ segir Guð­mundur sem sér fyrir sér að þing­menn skipt­ist á að vera for­menn, ekki ósvipað því sem ger­ist í ráð­herra­ráði Evr­ópu­sam­bands­ins.

Hann seg­ist hafa heyrt margar áhuga­verðar kennignar um fylgis­tap flokks­ins. Björt fram­tíð mælist nú með 4,4 pró­senta fylgi, miðað við nýj­ustu könnun MMR sem Kjarn­inn greindi meðal ann­ars frá. Eftir að könn­unin var birt gagn­rýndi Heiða Kristín Helga­dótt­ir, fyrr­ver­andi stjórn­ar­for­maður flokks­ins, flokk­inn í sam­tali við Kjarn­ann og sagði vanda Bjartar fram­tíðar vera innan flokks­ins.

„Vand­inn er ekki til­kom­inn vegna þess að kjós­endur skilja ekki flokk­inn heldur er hann vandi for­manns­ins og þeirra sem starfa í Bjartri fram­tíð,“ sagði Heiða Krist­ín. Guð­mundur seg­ist ekki vilja bregð­ast við þess­ari gagn­rýni á hefð­bund­inn hátt, „berja [sér] á brjóst, taka þennan slag og segj­ast vera æðis­leg­ur,“ eins og hann orðar það.

Frekar telur hann tvennt vera mein­semd í flokkapóli­tík­inni „Það eru slagir innan flokks um hver skipar emb­ætti og skapað flokka­drætti í þessum hreyf­ing­um. Ég vil ekki vera í póli­tík á þessum for­send­um. Hitt er að það virð­ist vera að fær­ast í vöxt að vera alltaf að tala um þessa for­menn. Bara eins og segir í lag­inu: Þú gerir ekki rass­gat einn.“

Fylgis­tapið telur hann vera vegna þess að flokk­ur­inn hafi fallið í of hefð­bund­inn far­veg. „Því langar mér að breyta og fara aftur í okkar grunn­gildi. Og svo verðum við bara að láta meira að okkur kveða. Íslandi er stjórnað mjög ólýð­ræð­is­lega um þessar mund­ir, sér­hags­muna­hópar ráða allt of mikið för. Það eru and­stæð­ingar okkar í póli­tík — ein­ok­un­ar­sinn­ar, for­dóma­öfl­in, frekju­kall­inn — við þurfum að kljást við allt þetta,“ segir hann að lok­um.