Banda­rísk frétta­kona, All­i­son Park­er, og töku­mað­ur­inn Adam Ward voru í dag skotin til bana á meðan að þau voru í beinni útsend­ingu á sjón­varps­stöð­inni WDBJ7. Parker og Ward voru að taka upp við­tal í bænum Moneta í Bed­for­d-­sýslu, sem er í Virg­ini­u-­ríki í Banda­ríkj­un­um. Sam­kvæmt frétt BBC um málið  átti árásin átti sér stað klukkan 06:45 að stað­ar­tíma í stórri versl­un­ar­mið­stöð, Bridgewa­ter Plaza. Vicki Gar­dner, for­maður við­skipta­ráðs svæð­is­ins, sem var við­mæl­andi Parker lifði af árás­ina en slas­að­ist umtals­vert. Sam­kvæmt frétt Roa­noke Times er hún í bráða­að­gerð.

Hér að neðan er hægt að sjá mynd­band af útsend­ing­unni. Í því heyr­ast skot­hvellir og öskur frétta­kon­unnar og við­mæl­anda hennar áður en að klippt er aftur í mynd­ver. Varað er við inni­haldi þess.

https://www.youtu­be.com/watch?v=cl8okt4BuU4

Lög­reglu­yf­ir­völd í Moneta segja að rann­sókn standi yfir og að leitað sé að ódæð­is­mann­in­um. Fram­kvæmda­stjóri sjón­varps­stöðv­ar­inn­ar, Jef­frey Marks, sagði í útsend­ingu fyrir skemmstu sam­kvæmt frá­sögn á vef BBC, að Parker og Ward hafi lát­ist klukkan 06:45 að stað­ar­tíma, skömmu eftir að skot­hvell­irnir heyrð­ust. "Við vitum ekki hver ástæða verkn­að­ar­ins er né hver sá grun­aði eða morð­ing­inn er," sagði Marks. "Ég get ekki sagt ykkur hversu mikið þau voru elskuð af WDBJ7-teym­in­u...hjörtu okkar eru brost­in."

Hægt er að horfa á beina útsend­ingu frá WDBJ7 hér.

WDBJ7 sjón­varps­stöðin setti stöðu­upp­færslu á Twitter fyrr í dag vegna atburð­anna.

We are trying to figure out what just happ­ened -- thank you all for your concern and kind words.

— WDBJ7 (@WD­BJ7) Aug­ust 26, 2015