Frum­varp Vil­hjálms Árna­son­ar, þing­manns Sjálf­stæð­is­flokks, um breyt­ingar á lögum um verslun með áfengi og tóbak hefur verið lagt fram á ný. Frum­varp­ið, sem myndi binda enda á einka­leyf­i ­rík­is­ins á sölu áfengis nái það fram að ganga, dag­aði uppi á síð­asta þingi.

„Frum­varpið felur í sér aukið frelsi til smá­sölu á Íslandi en það er ekki hlut­verk rík­is­ins að sinna smá­sölu heldur að setja reglur um hana og hafa eft­ir­lit með henni ef nauð­syn þyk­ir. Hlut­verk einka­að­ila er að selja vörur og þjón­ustu í sam­ræmi við þær reglur sem stjórn­völd hafa sett. Þetta sjón­ar­mið á við um áfengi og aðrar neyslu- og nauð­synja­vör­ur,“ segir í grein­ar­gerð með frum­varp­inu. Það er lagt fram með lít­ils­háttar breyt­ing­um, en meðal ann­ars er gert ráð fyrir að sveit­ar­fé­lög hafi heim­ild til 1. sept­em­ber 2017 til að veita smá­sölu­leyfi þeim versl­unum sem hýsa áfeng­is­út­sölur ÁTVR í lok þessa árs.

„Með þessu er leit­ast eftir að fyr­ir­komu­lag­inu verði ekki umbylt og einnig lagt til að lög þessi verði tekin til end­ur­skoð­unar að reynslu­tíma lokn­um. Þá er nú lagt til að allir þurfi að sýna skil­ríki þegar þeir kaupa áfengi og sanna þar með aldur sinn. Einnig er áréttað að mark­mið frum­varps­ins er að auka versl­un­ar­frelsi í flestum teg­undum versl­unar en ekki ein­vörð­ungu í mat­vöru­versl­un­um. Nái frum­varpið fram að ganga verður heim­ild til net­versl­unar skýr­ari en áður en áhöld eru um það nú hvort hún er lög­leg þar sem stjórn­völd reka tvær slíkar og erlendir aðilar geta selt áfengi í smá­sölu í gegnum netið og það er keyrt heim að dyr­um.“

Flutn­ings­menn frum­varps­ins eru sextán tals­ins og hefur þeim fjölgað um þrjá frá því það var síð­ast lagt fram. Þing­menn úr röðum Sjálf­stæð­is­flokks, Fram­sókn­ar­flokks, Bjartrar fram­tíðar og Pírata eru meðal flutn­ings­manna. Nýir flutn­ings­menn eru Guð­mundur Stein­gríms­son, Ásta Guð­rún Helga­dótt­ir, Jón Gunn­ars­son og Hanna Birna Krist­jáns­dótt­ir. Pétur Blön­dal heit­inn, þing­maður Sjálf­stæð­is­flokks til margra ára, var meðal stuðn­ings­manna frum­varps­ins á síð­asta þingi.

Aðrir flutn­ings­menn eru auk Vil­hjálms: Unnur Brá Kon­ráðs­dótt­ir, Sig­ríður Á. And­er­sen, Ragn­heiður Rík­harðs­dótt­ir, Guð­laugur Þór Þórð­ar­son, Brynjar Níels­son, Birgir Ármanns­son, Har­aldur Bene­dikts­son, Willum Þór Þórs­son, Karl Garð­ars­son, Har­aldur Ein­ars­son og Björt Ólafs­dótt­ir.