Gunnar Bragi Sveins­son utan­rík­is­ráð­herra leggur í dag fram frum­varp um breyt­ingu á lögum um alþjóð­lega þró­un­ar­sam­vinnu Íslands. Frum­varpið var lagt fram á síð­asta þingi en náði þá ekki fram að ganga. Verði það að lögum mun Þró­un­ar­sam­vinnu­stofnun Íslands (ÞS­SÍ) leggj­ast niður og starf­semi hennar verður færð inn í utan­rík­is­ráðu­neyt­ið. Málið er á dag­skrá þings­ins í dag en þing­fundur hófst klukkan 13:30.

ÞSSÍ hefur frá form­legri stofnun árið 1981 haft yfir­um­sjón með svo­kall­aðri tví­hliða þró­un­ar­að­stoð Íslend­inga, þar sem Ísland er í beinu starf­starfi við ákveðin lönd sem þiggja þró­un­ar­að­stoð. Í dag eru þau lönd Mala­ví, Mósam­bík og Úganda, auk þess sem ÞSSÍ hefur stutt jarð­hita­rann­sóknir á nokkrum stöðum í aust­an­verðri Afr­íku. Marg­hliða þró­un­ar­sam­vinna, þar sem Ísland leggur sitt að mörkum til alþjóða­stofn­anna eins Alþjóða­bank­ans (World Bank) og þró­un­ar­að­stoðar Sam­ein­uðu Þjóð­anna(UNDP) er á for­ræði utan­rík­is­ráðu­neyt­is­ins sjálfs.

Í grein­gar­gerð með frum­varp­inu segir að með því að færa fram­kvæmd þró­un­ar­sam­vinnu­mála á eina hendi sé verið að ein­falda skipu­lag­ið. „Betri heild­ar­sýn mun nást yfir mála­flokk­inn og stefnu­mótun verða mark­viss­ari þegar um einn ábyrgð­ar­að­ila er að ræða. Sam­hæf­ing mun eflast, fram­kvæmd verða skil­virk­ari og sam­legð­ar­á­hrif af starfi Íslands á sviði þró­un­ar­sam­vinnu aukast. Þannig má gera ráð fyrir að breyt­ingin stuðli að auknum áhrifum af starfi Íslands og auknum árangri þegar til lengri tíma er lit­ið,“ segir í grein­ar­gerð­inni.

Í bráða­birgða­á­kvæði í frum­varp­inu er gert ráð fyrir að við færslu starf­semi ÞSSÍ til ráðu­neyt­is­ins verði öllum starfs­mönnum ÞSSÍ boðið starf hjá ráðu­neyt­inu. Þar eru þró­un­ar­verk­efni á ábyrgð svo­kall­aðrar þró­un­ar­sam­vinnu­skrif­stofu þar sem níu manns starfa í dag. Í dag eru starfs­menn ÞSSÍ 38 tals­ins; 9 manns á aðal­skrif­stofu í Reykja­vík, 11 í umdæm­is­skrif­stof­unni í Lilongwe í Mala­ví, 6 í umdæm­is­skrif­stof­unni í Mapútó í Mósam­bík og 12 í umdæm­is­skrif­stof­unni í Kampala í Úganda. Í Lilongwe eru 2 starfs­menn útsendir og 9 stað­ar­ráðn­ir, í Mapútó eru 2 starfs­menn útsendir og 4 stað­ar­ráðnir og í Kampala eru 2 starfs­menn útsendir og 10 stað­ar­ráðn­ir.

Í grein­ar­gerð frum­varps­ins segir enn­fremur að málið hafi fengið vand­aða með­ferð og ítar­lega umfjöllun m.a. í utan­rík­is­mála­nefnd á síð­ast­liðnu þingi.