Frosti Sig­ur­jóns­son, þing­maður Fram­sókn­ar­flokks­ins, hefur ítrekað sett fram hug­myndir um breyt­ingar á fjár­mála­kerf­inu sem hafa vakið nokkra athygli og umræðu þegar þær koma fram. Þannig var það með hug­myndir hans og margra ann­arra um betra pen­inga­kerfi, og grund­vall­ar­breyt­ingu á pen­inga­stefn­unni, og síðan nú fyrir skemmstu má segja að hann hafi aftur komið fram með hug­mynd sem varðar fjár­mála­kerf­ið, sem telst allrar athygli­verð.

Hún miðar að því að gera Lands­bank­ann, sem íslenska ríkið á um 98 pró­sent hlut í núna, að sam­fé­lags­banka sem hafi öðru fremur hags­muni íslenskra neyt­enda í fyr­ir­rúmi, og bjóði hag­stæð lána­kjör á kostnað þess að hafa gróða­sjón­ar­mið að leið­ar­ljósi.

Einn þeirra sem hefur tekið undir þessar hug­myndir er Össur Skarp­héð­ins­son, þing­maður Sam­fylk­ing­ar­inn­ar, og segir hann þær allra athygli­verð­ar.

Aug­ljós­lega eru þessar hug­myndir Frosta, sem eru ekki nýjar af nál­inni, ekki í hávegum hafðar hjá rík­is­stjórn­inni og þeim ráð­herrum sem stýra efna­hags­mál­unum á borði stjórn­mál­anna. Hug­mynd Frosta byggir á þeirri grund­vall­ar­hug­mynd að bank­inn verði í sam­fé­lags­legri eigu og starfi öðru fremur fyrir sam­fé­lag­ið, og láti trausta fjár­hags­stöðu koma beint fram í lána­kjörum og þjón­ustu, fremur en að góðum afkomu­töl­um.

Rík­is­stjórnin hefur aftur á móti hug á því að selja hlut í Lands­bank­an­um, eins og Bjarni Bene­dikts­son, efna­hags- og fjár­mála­ráð­herra, hefur raunar ítrekað í nokkur skipti. Í lögum hefur um nokk­urt skeið verið heim­ild til að selja að allt að 30 pró­sent hlut í Lands­bank­an­um, og nú er að því stefnt að selja hlut í bank­anum sam­hliða skrán­ingu hans á mark­að.

Þessar ráða­gerðir fara þvert gegnum hug­myndum Frosta, sem þó hafa fengið jákvæðar und­ir­tektir víða. Spenn­andi verður að sjá hvort stjórn­ar­flokk­arnir muni ganga í takt þegar þessar hug­myndir verða ræddar á kom­andi þing­vetri, og sú stund nálg­ast að ákvörðun er tekin um sölu á hlut í bank­an­um.