Eru glæpa­sög­ur, helstu mál­efni líð­andi stundar eða íþróttaum­fjöllun eitt­hvað sem heill­ar? Þetta og nán­ast allt annað var til­nefnt til bresku hlað­varps­verð­laun­anna sem veitt voru í fyrsta sinn 30. apríl síð­ast­lið­inn.

Hlað­varp hefur verið í mik­illi sókn und­an­farin ár, ekki bara í Bret­landi heldur einnig hér á landi. Umfjöll­un­ar­efni hlað­varps­þátta eru gríð­ar­lega fjöl­breytt og margir þættir unnir af mik­illi fag­mennsku. Hlað­varp gefur vin­sæl­ustu útvarps­stöðvum sem varpa umræðum á gamla mát­ann ekki tommu eft­ir.

Mikil gróska er í íslensku hlað­varpi. Kjarn­inn rekur hlað­varps­rás hér á vefnum þar sem fjöl­margir þættir eru í boði um allt milli him­ins og jarð­ar. Nán­ari upp­lýs­ingar um hlað­varpið eru að finna á hlað­varpsvef Kjarn­ans.

Á vef Nútím­ans má finna aðra hlað­varps­rás sem hefur fengið nafnið Alvarpið. Þar eru einnig stór­góðir þættir sem hik­laust er mælt með. Þá bjóða íslenskar útvarps­stöðvar upp á hlað­varps­út­gáfur af þáttum sín­um. Þeirra vin­sælastur er eflaust þáttur Veru Ill­uga­dóttur í hlað­varpi RÚV sem heitir Í ljósi sög­unnar.

Sig­ur­veg­arar í bresku hlað­varps­verð­laun­unum

Hér að neðan má sjá sig­ur­veg­ara í völdum flokkum úr bresku hlað­varps­verð­laun­un­um. Það ættu allir að geta fundið eitt­hvað við sitt hæfi í þessum lista.

Mál­efni líð­andi stundar

The Inquiry – iTu­nes – Frá­bær frétt­skýr­inga­þáttur á vegum BBC þar sem frétta­mál eru útskýrð og reynt að varpa ljósi á ástæður og afleið­ing­ar.

Íþróttir

Fight Discip­les – iTu­nes – Allar helstu bar­daga­í­þróttir heims eru til umræðu í þessum þætti, hvort sem það eru hnefa­leikar eða blönduð bar­daga­list.

Hornet Hea­ven – iTu­nes – Fynd­inn fót­bolta­þáttur í far­sa­líki þar sem stað­reyndum og hug­ar­burði er blandað saman til þess að varpa ljósi á það hvernig er að vera fót­boltaunn­andi fyrir lífs­tíð.

Hlust­enda­verð­laun

Kermode & Mayo's Film Review – iTu­nes – Í þessum viku­lega þætti er ein­göngu fjallað um nýj­ustu kvik­mynd­irn­ar.

Glæpa­þættir

They Walk Among US – iTu­nes – Þessir þættir koma hálfs­mán­að­ar­lega og fjalla allir um raun­veru­lega glæpi og glæpa­menn

Skáld­skapur

Tracks – iTu­nes – Upp kemst um dul­ar­fulla ráð­gátu þegar flug­vél hrapar í Wales. Hér er um rosa­lega sam­sær­is­hroll­vekju að ræða.