Nú er reynt til þrautar að ná samn­ingum í kjara­deilu starfs­manna í álveri Rio Tinto Alcan í Straums­vík og fyr­ir­tæk­is­ins. Þrátt fyrir stíf funda­höld að und­an­förnu hafa samn­ingar ekki náðst en verk­fall hefst 2. des­em­ber ef ekki tekst að ná samn­ing­um.

Eins og fram hefur kom­ið, þá hafa stjórn­endur Rio Tinto Alcan til­kynnt bæj­ar­yf­ir­völdum í Hafn­ar­firði um að mögu­lega gæti álverið lokað var­an­lega ef til verk­falls kemur með til­heyr­andi fram­leiðslu­stoppi í álver­in­u. 

Það gæti reynst afar kostn­að­ar­samt fyrir fyr­ir­tæk­ið, þar sem móð­ur­fé­lags­á­byrgð er á umsömdum raf­orku­kaupum fyr­ir­tæk­is­ins, sam­kvæmt umfjöllun Við­skipta­blaðs­ins, en samn­ingur við Lands­virkjun gildir út árið 2036.

Rio Tinto hefur gengið í gegnum mikið hag­ræð­ing­ar­ferli á heims­vísu í álf­ram­leiðslu sinni, vegna erf­iðra ytri aðstæðna. Frá árinu 2009 hefur fyr­ir­tækið lokað fjórum álverum og selt eign­ar­hluti í fjórum til við­bót­ar. 

Guð­mundur Ragn­ars­son, for­maður félags vél­stjóra og málm­tækni­manna (VM), hefur gagn­rýnt afstöðu Rio Tinto harð­lega, og meðal ann­ars sagt að fyr­ir­tækið sé alræmt á heims­vísu sem „alþjóð­legur auð­hringur“ sem svíf­ist einskis í hags­muna­bar­áttu sinn­i. „Um hvað snýst deilan í ÍSAL í raun? Hún snýst um alþjóða­væð­ingu auð­hringa sem beita öllum ráðum til að sjúga eins og þeir geta út úr þeim hag­kerfum sem þeir starfa í, með því að greiða lág laun, helst enga skatta né aðrar skyld­ur,“ skrifar Guð­mundur í pistli á vef VM.