Knatt­spyrnu­sam­band Íslands (KSÍ) mun greina aðild­ar­fé­lögum sínum frá því í dag, 13. febr­ú­ar, á árs­þingi sam­bands­ins hvernig styrkir og fram­lög þess til­ ­fé­lag­anna í ár muni skipt­ast. Ljóst er að til­kynn­ing­ar­innar er beðið með tölu­verðri eft­ir­vænt­ingu, enda eru styrkir og fram­lög KSÍ til aðild­ar­fé­laga áætl­aðir 413 millj­ónir króna á árinu 2016. Það er lang­hæsta upp­hæð sem KSÍ hefur nokkru sinni útdeilt til félag­anna, en til sam­an­burðar fengu þau 147 millj­ónir króna í fyrra.

Ástæða aukn­ing­ar­innar er sú að tekjur KSÍ munu tvö­fald­ast í ár vegna þátt­töku karla­lands­liðs­ins í knatt­spyrnu í Evr­ópu­mót­inu í knatt­spyrnu í Frakk­landi á kom­andi sumri. Velta sam­bands­ins mun fara úr 1.112 millj­ónum króna í 2.263 millj­ónir króna, aðal­lega vegna þess að styrkir frá knatt­spyrnu­sam­band­i ­Evr­ópu (UEFA) fara úr 356 millj­ónum króna í 1.506 millj­ónir króna á milli ára. ­Sam­kvæmt nýbirtri fjár­hags­á­ætlun KSÍ mun þessi gríð­ar­lega aukn­ing í veltu skila ­sam­band­inu 600 millj­ónum króna í hagnað á árinu 2016. Og aðild­ar­fé­lög ­sam­bands­ins munu njóta þess.

Mest fór til félaga í Pepsí-­deild karla í fyrra

KSÍ vildi ekki veita Kjarn­anum upp­lýs­ingar um hvernig sú fjár­hæð sem mun ­skipt­ast á milli aðild­ar­fé­laga sam­bands­ins skipt­ist fyrr en búið væri að til­kynna full­trúum þeirra það á árs­þingi KSÍ sem fram fer í dag.

Á árinu 2015 fengu félögin í Pepsí-­deild karla 40 millj­óna króna styrk frá UEFA vegna barna- og ung­linga­starfs. KSÍ greiddi síðan öðrum aðild­ar­fé­lög­um en þeim sem léku í Pepsí-­deild karla 41,5 millj­ónir króna (um 28 pró­sent af heild­ar­kök­unn­i), félögum í Pepsí-­deild karla 71,1 milljón króna vegna út­send­ing­ar- og mark­aðs­réttar (48 pró­sent)  og félögum í leyfis­kerfi KSÍ 22,8 millj­ónir króna (16 pró­sent). Þá greiddi KSÍ 11,6 millj­ónir króna (átta pró­sent) í ferða­þátt­töku­gjald, verð­launafé og fleira á árinu 2015. Sam­tals gera þessar greiðslur KSÍ til­ að­ild­ar­fé­laga 147 millj­ónir króna. 

Kjarn­inn fjall­aði ítar­lega um árs­reikn­ing KSÍ fyrir árið 2015 og fjár­hags­á­ætlun sam­bands­ins fyrir árið 2016 um síð­ustu helgi. Hægt er að lesa þá umfjöllun hér.