Gang­verk hefur gert samn­ing um sölu leyfa að Sl­ing hug­bún­að­inum fyrir 325 millj­ónir króna. Samn­ing­ur­inn felur í sér að Sling verður hluti af vöru­fram­boði fyrir við­skipta­vini þeirra sem samn­ing­ur­inn var gerður við, en við­skipta­vin­irnir eru flestir veit­inga­staðir og versl­anir í Banda­ríkj­un­um. Ekki fæst upp­gefið að svo stöddu við hvernig var samið, en við­skiptin hafa gengið í gegn nú þeg­ar.

Helgi Her­manns­son, fram­kvæmda­stjóri Gang­verks, segir sölu­samn­ing­inn við­ur­kenn­ingu á góðu þró­un­ar­starfi starfs­manna Gang­verks og þörf­inni á skil­virkum far­síma­lausnum fyrir innri sam­skipti fyr­ir­tækja þar sem starfs­menn vinna á vökt­um. Fyr­ir­tækið hefur verið með við­skipta­þróun í New York frá því í fyrra, og unnið að sölu- og þró­un­ar­starfi þar í sam­vinnu við við­skipta­vini.

Sling hug­bún­að­ur­inn er hann­aður og þró­aður af Gang­verki. Fyr­ir­tækið er leið­andi hug­bún­að­ar­fyr­ir­tæki í Reykja­vík í snjall­síma­lausn­um. Ásamt því að þróa Sling þjón­ustar Gang­verk líka við­skipta­vini félags­ins með hug­bún­að­ar­þróun eins og t.d. CBS Media, Sot­he­by's, Sím­ann, RÚV, 365 og Öss­ur.

Gang­verk hóf að þróa Sling í lok árs 2014 og setti lausn­ina á markað í Júlí 2015. Þegar nota nokkur hund­ruð fyr­ir­tæki Sling í Banda­ríkj­un­um, ­mest veit­inga­staðir og versl­anir þar á meðal Subway, Fri­days og Dom­in­os veit­inga­stað­ir, Holi­day Inn Hot­el, Rite Aid apó­tek ofl.  Á Íslandi nota ­mörg fyr­ir­tæki Sling t.d. Gló, Kaffi­tár og 66N.

Sling er ­sam­skipta- og vakta­kerfi fyrir fyr­ir­tæki þar sem starfs­menn vinna á vöktum og nýt­ist vel t.d. fyrir versl­an­ir, veit­inga­staði, spít­ala, hótel ofl.  Afar auð­velt er fyrir fyr­ir­tæki að byrja að nota lausn­ina.  Þau stofna reikn­ing á www.­getsl­ing.com og ­bjóða starfs­mönnum sínum inn í kerf­ið, þannig verður til innra net hvers fyr­ir­tæk­is.

Sling er byggt í kringum fjóra megin hluta; vakta­kerfi, skila­boða­kerf­i, frétta­veitu og verk­efna­lista kerf­i.  Sling er í stöðugri þróun og mun­u ýmsar spenn­andi við­bætur koma út á næst­unni.

Gang­verk fékk 500 þús­und Banda­ríkja­dala sprota­fjár­fest­ingu, eða sem nemur um 70 millj­ónum miðað við núver­andi gengi, frá Nýsköp­un­ar­sjóði og ­Banda­rískum fjár­festum í lok árs 2014.  Félagið hefur líka not­ið skatta­af­sláttar stjórn­valda vegna nýsköp­un­ar­fyr­ir­tækja og styrks frá­ Rannís. „Sam­an­lagt hefur þetta hjálpað félag­inu að ná árangri og gerir því kleift að fjölga starfs­mönnum á Ísland­i,“ segir Helgi, en starfs­menn Gang­verks eru nú þrettán tals­ins.