Póst- og fjar­skipta­stofnun hefur sam­þykkt beiðni Íslands­pósts um hækkun á gjald­skrá fyr­ir­tæk­is­ins fyrir bréf sem vega 0-50 grömm. Ástæðan er sú að sífellt færri not­ast við bréfa­send­ing­ar, og þá hafa launa­hækk­anir hjá fyr­ir­tæk­inu, vegna umsam­inna hækk­ana í kjara­samn­ing­um, áhrif á grunn­rekstur fyr­ir­tæk­is­ins.

Gert er ráð fyrir að hækk­unin taki gildi 1. júní næst­kom­andi.

Hækk­an­irnar eru eft­ir­far­andi:

• A: hækkar úr 170 kr. í 175 kr.
• B: hækkar úr 155 kr. í 160 kr.
• AM: hækkar úr 130 kr. í 135 kr.
• BM: hækkar úr 110 kr. í 114 kr.

Rekstur Íslands­póst hefur gengið frekar erf­ið­lega síð­ustu ár, en tap hefur verið á rekstr­inum árin 2013 og 2014, sam­kvæmt birtum árs­reikn­ingum félags­ins. Tapið var 42 millj­ónir 2014 en 118 millj­ónir 2013.

Í inn­gangs­orðum for­stjór­ans, Ingi­mundar Sig­ur­páls­son­ar, í árs­skýrslu fyrir árið 2014 segir að hryggjar­stykkið í rekstri Íslands­pósts sé dreif­ing­ar­netið um allt land. Það er nú í meira mæli en áður borið uppi með pakka­send­ing­um. „Dreif­ing­ar­netið er í minnk­andi mæli ­borið uppi af bréfa­send­ingum og í vax­andi mæli af ­pakka­send­ing­um. Árit­uðum bréfum hefur fækkað um 51 pró­sent frá árinu 2000 en á sama tíma hefur heim­ilum og ­fyr­ir­tækjum og þar með póst­lúgum fjölgað umtals­vert. Þannig eykst kostn­aður við dreif­ing­ar­netið jafn­hliða því sem hann dreif­ist á færri bréf ef annað kæmi ekki til, svo sem fjölgun pakka­send­inga og hag­ræð­ing í rekstri. Íslands­póstur hefur stofnað og keypt fyr­ir­tæki í tengdum og virð­is­auk­andi rekstri og gerst umboðs­að­il­i ­fyrir nokkur sölu- og þjón­ustu­fyr­ir­tæki. Til­gangur þess er að ná betri nýt­ingu á þeim rekstr­ar­þáttum sem grunn­starf­semi Íslands­pósts er byggð á. Sá rekstur er að mestu utan skil­greindrar alþjón­ustu Íslands­pósts og skil­aði hann félag­inu um 1.700 millj­óna króna tekj­u­m og um 240 millj­óna króna hagn­aði á árinu 2014,“ segir Ingi­mund­ur. 

Tekjur af hefð­bund­inni póst­þjón­ustu námu 6,2 millj­örðum króna árið 2014, en aðrar tekj­ur, þá er frá rekstri sem ekki til­heyrir póst­þjón­ust­unni, námu rúm­lega einum millj­arði. Rekstr­ar­af­koma fyrir fjár­magnsliði, afskriftir og skatt var jákvæð um 479 millj­ónir króna. 

Íslenska ríkið er eig­andi Íslands­pósts.