Sam­kvæmt upp­lýs­ingum frá inn­an­ríks­ráðu­neyti Þýsklands eru minnst þrír látnir eftir skotárás á minnsta kosti þremur stöðum í München. Fjöldi manns eru særð­ir. Fjöl­miðlar í München segja að sex manns séu látn­ir. Talið er að fleiri en einn byssu­maður hafi verið að verki, hugs­an­lega þrír. Þeir komust undan og leitar lög­regla þeirra núna.

Fjöldi mis­vísandi upp­lýs­inga hafa komið fram síðan fyrstu fréttir bár­ust af árásinni. Sam­kvæmt upp­lýs­ingum frá lög­regl­unni í Bæj­ara­landi er um byssu­æði að ræða þar sem skotið var títt á allt kvikt í versl­un­ar­mið­stöð í borg­inni. Enn er starfs­fólk versl­ana í felum í versl­un­ar­mið­stöð­inni.

Fólki er ráð­lagt að halda sér frá fjöl­mennum almenn­ings­stöðum og almenn­ings­sam­göngum hefur verið hætt á meðan óvissu­á­standið rík­ir. Skotárásin hófst á McDon­ald’s-veit­inga­stað í versl­un­ar­mið­stöð­inni, að sögn tals­konu lög­regl­unn­ar.

Myndir af skotárásinni hafa verið birtar á sam­fé­lags­miðl­um. Lög­reglan í München hefur beðið fólk á sam­fé­lags­miðlum um að birta ekki myndir af lög­reglu­mönnum því það gæti veitt árás­ar­mönn­unum upp­lýs­ingar um aðgerðir lög­reglu. Hér að neðan má sjá mynd­band af einum árás­armann­inum fyrir utan veit­inga­stað í versl­un­ar­mið­stöð­inni. Mynd­bandið er ekki fyrir við­kvæma.

Fréttin verður upp­færð um leið og áreið­an­legar fréttir ber­ast. Fréttin upp­fær­ist sjálf­krafa. Síð­ast upp­fært kl. 18:46.