Alþjóða ólymp­íu­nefndin hefur ákveðið að banna ekki alla rúss­neska íþrótta­menn á Ólymp­íu­leik­unum í Ríó sem haldnir verða í næsta mánð­uði. Ein­staka íþrótta­menn gætu hins vegar hlotið bann ef sér­sam­bönd ákveða að meina Rússum þátt­töku.

Öllu frjáls­í­þróttaliði Rússa hefur verið bannað að taka þátt á Ólymp­íu­leik­unum eftir að rann­sókn leiddi í ljós víð­tækt lyfja­svindl rúss­nesks frjáls­í­þrótta­fólks. Alþjóða frjáls­í­þrótta­sam­bandið greip til þess ráðs í júní að banna alla rússa frá keppni í frjálsum íþróttum á mót­inu jafn­vel þó að ekki hafi verið sýnt fram á að allir hefðu notað lyf eða hag­rætt líf­sýnum við lyfja­próf­an­ir. Það er hins vegar undir hverjum og einum íþrótta­manni komið að sýna fram á sak­leysi sitt.

Önnur skýrsla um rann­sókn á lyfja­svindli Rússa á Vetr­ar­ólymp­íu­leik­unum í Sot­sjí í Rúss­landi árið 2014 jók svo press­una á alþjóða ólymp­íu­nefnd­ina um að banna alla Rússa frá mót­inu. Sú rann­sókn sýndi fram á að skipun um lyfja­svindl og hag­ræð­ingu líf­sýna kom beint frá íþrótta­mála­ráðu­neyt­inu í Kreml.

Thomas Bach, for­maður alþjóða ólymp­íu­nefnd­ar­inn­ar, hafði áður sagt að honum hugn­að­ist ekki að refsa öllum rúss­neskum íþrótta­mönnum fyrir brot sumra. Fimmtán manna stjórn nefnd­ar­innar tók svo ákvörð­un­ina í dag. Minna en tvær vikur eru í að leik­arnir verða settir í Ríó 5. ágúst.

Nefnd­inr útskýrir ákvörðun sína þannig að það sé rétt­látt að leyfa þeim íþrótta­mönnum sem ekki hafa verið bendl­aðir við svindl að njóta vafans. Hins vegar verði íþrótta­menn­irnir rúss­nesku að sætta sig við að það gæti verið nauð­syn­legt að meina þeim þátt­töku til þess að vernda trú­verðu­leika ólympískra íþrótta­greina. Þeir sem hafa verið gripnir við lyfja­svindl fá alls ekki að keppa í Rio. 

Keppt verður í 28 íþrótta­greinum á Ólymp­íu­leik­unum í Ríó.