Stjórn­skip­un­ar- og eft­ir­lits­nefnd kemur saman klukkan 15 á mið­viku­dag í fyrsta sinn eftir sum­ar­frí. Meðal dag­skrár­liða er rann­sókn á aflands­fé­lögum Íslend­inga og skattaund­anskot­um. Ögmundur Jón­as­son, for­maður nefnd­ar­innar og þing­maður Vinstri grænna, segir að rík­is­stjórnin hafi gefið það út að farið verði í gang með könnun á þessum mál­u­m. 

„Við ætlum að sjá hvað hefur gerst hjá þeim á þessum vett­vangi. En það verða engar ákvarð­anir teknar á þessum fund­i,“ segir Ögmundur við Kjarn­ann. 

Þá verði einnig farið yfir þings­á­lykt­un­ar­til­lögu VG, sem lögð var fram í apríl í kjöl­far umfjöll­unar fjöl­miðla um Panama­skjöl­in, um að rann­sókn verði gerð á fjölda og starf­semi félaga sem tengj­ast íslenskum aðil­um, ein­stak­lingum og lög­að­ilum í skatta­skjöl­um. Frosti Sig­ur­jóns­son, for­maður efna­hags- og við­skipta­nefndar og þing­maður Fram­sókn­ar­flokks, sagð­ist í kjöl­farið von­ast til þess að til­lagan næði fram að ganga. 

Bjarni Bene­dikts­son fjár­mála­ráð­herra skip­aði starfs­hóp í lok apríl sem átti að koma með til­lögur að breyt­ingum á lög­um, reglu­gerðum eða verk­lags­reglum sem saman myndi aðgerða­á­ætlun íslenskra stjórn­valda gegn skattsvikum og nýt­ingu skatta­skjóla. 

Meðal þeirra sem áttu sæti í hópnum voru Bryn­dís Krist­jáns­dóttir skatt­rann­sókn­ar­stjóri, Skúli Egg­ert Þórð­ar­son rík­is­skatt­stjóri og Mar­í­anna Jón­as­dótt­ir, skrif­stofu­stjóri í fjár­mála- og efna­hags­ráðu­neyt­inu, en hún var jafn­framt for­maður hóps­ins. Skýrslu starfs­hóps­ins var skilað til Bjarna 30. júní en hún hefur ekki verið gerð opin­ber. Ögmundur hefur sjálfur ekki séð skýrsl­una né heyrt neitt um hana. 

Á fund stjórn­skip­un­ar- og eft­ir­lits­nefndar koma gestir frá fjár­mála­ráðu­neyt­inu til að fara yfir stöð­una. Um morg­un­inn verða einnig fundir hjá fjár­laga­nefnd, umhverf­is- og sam­göngu­nefnd og vel­ferð­ar­nefnd. Seinni­part­inn funda einnig utan­rík­is­mála­nefnd og atvinnu­vega­nefnd.