Mar­grét Tryggva­dótt­ir, fyrr­ver­andi þing­maður fyrir Borg­ara­hreyf­ing­una og svo Hreyf­ing­una, gefur kost á sér í fyrsta til annað sæti í flokksvali Sam­fylk­ing­ar­innar í Suð­vest­ur­kjör­dæmi. Hún er með því annar ein­stak­ling­ur­inn sem býður sig fram í fyrsta sæti og sú þriðja til að bjóða sig fram í annað sætið í próf­kjör­in­u. 

Árni Páll Árna­son, fyrr­ver­andi for­maður Sam­fylk­ing­ar­innar og leið­togi flokks­ins í kjör­dæm­inu, til­kynnti á mið­viku­dag að hann myndi áfram sækj­ast eftir því að leiða list­ann. Hann sagði það hafa skipt miklu máli að Katrín Júl­í­us­dóttir og Magnús Orri Schram, sem skip­uðu annað og þriðja sætið á list­anum fyrir síð­ustu kosn­ing­ar, ætli ekki að gefa kost á sér áfram. Því sé ljóst að end­ur­nýjun verði mikil í efstu sæt­un­um. 

Sema Erla Serdar, for­maður Sam­fylk­ing­ar­innar í Kópa­vogi og fyrr­ver­andi for­maður fram­kvæmda­stjórn­ar­inn­ar, sæk­ist einnig eftir öðru sæti í próf­kjör­inu. Hún til­kynnti það í morg­un. Í gær til­kynnti Mar­grét Gauja Magn­ús­dótt­ir, bæj­ar­full­trúi í Hafn­ar­firði og vara­þing­mað­ur, að hún sækt­ist eftir öðru sæt­in­u. 

Mar­grét Gauja og Sema Erla sótt­ust báðar eftir því að verða vara­for­menn Sam­fylk­ing­ar­innar á lands­fundi flokks­ins í byrjun sum­ars. Þær lutu hins vegar báðar í lægra haldi fyrir Loga Ein­ars­syni, arki­tekt og bæj­ar­full­trúa á Akur­eyri, sem bauð sig fram á síð­ustu stundu og bar sigur úr být­u­m.