Karl Garð­ars­son, þing­maður Fram­sókn­ar­flokks­ins og annar odd­vita hans í Reykja­vík í kom­andi kosn­ing­um, segir að nú þegar tæpir tveir sól­ar­hringar séu til flokks­þings Fram­sókn­ar­flokks­ins hljóði dag­skrá þings­ins þannig að Sig­mundi Davíð Gunn­laugs­syni, for­manni flokks­ins, sé ætlað klukku­stund til ræðu­halda. Sig­urði Inga Jóhanns­syni, for­sæt­is­ráð­herra og vara­for­manni flokks­ins, er hins vegar ekki ætluð ein ein­asta mín­úta í dag­skránni, en hann hefur boðið sig fram gegn Sig­mundi Dav­íð. Í stöðu­upp­færslu á Face­book segir Karl, sem er yfir­lýstur stuðn­ings­maður Sig­urðar Inga, að enn sé tími til að gera breyt­ingar þannig að sann­girnis sé gætt.

Stöðu­upp­færslan stuð­aði marga Fram­sókn­ar­menn sem tjáðu sig um að þetta ætti ekki erindi á opin­beran vett­vang og deilt um hverjir fari með með skipu­lagn­ingu þings­ins. 

Karl svar­aði með nýrri færslu. Þar seg­ir: „Stundum er rétt að hafa stað­reyndir á hrein­u.Ýmsir Fram­sókn­ar­menn hafa gert athuga­semdir við færslu mína þar sem hvatt er til að Sig­urður Ingi fái jafn­langan tíma til ræðu­halda á flokks­þingi. Fram­kvæmda­stjórn Fram­sókn­ar­flokks­ins ákveður dag­skrá flokks­þings. For­maður þess heitir Sig­mundur Davíð Gunn­laugs­son. Hann hefur neitað að halda þar fundi lengi. Rit­ari flokks­ins, Eygló Harð­ar­dóttir hefur ekk­ert með dag­skrá þings­ins að gera. Hún er fom­aður lands­stjórnar sem sér um að boða mið­stjórn­ar­fundi og fer með vald mið­stjórnar milli funda henn­ar.Í kvöld hefur verið boðað til lands­stjórn­ar­fundar þar sem fram­kvæmda­stjórnin sinnir ekki starfi sín­u.“

Flokks­þing Fram­sókn­ar­flokks­ins fer fram um helg­ina. For­manns­kosn­ing, þar sem Sig­mundur Davíð og Sig­urður Ingi kepp­ast um for­manns­stól­inn, lýkur á sunnu­dag.