52 pró­sent Fram­sókn­ar­manna vill hafa Sig­mund Davíð Gunn­laugs­son áfram sem for­mann flokks­ins en 37 pró­sent þeirra vill fá Sig­urð Inga Jóhanns­son, for­sæt­is­ráð­herra, í það emb­ætti. 11 pró­sent vilja að Lilja Alfreðs­dóttir verði næsti for­maður Fram­sókn­ar­flokks­ins. Þegar svör stuðn­ings­manna allra flokka eru skoðuð þá nýtur Sig­urður Ingi hins vegar yfir­burð­ar­stuðn­ings og 47 pró­sent segj­ast vilja hann sem for­mann Fram­sókn­ar­flokks­ins. Þar er Lilja í öðru sæti með 25 pró­sent en ein­ungis tíu pró­sent vilja Sig­mund Davíð sem for­mann. Athygli vekur að stuðn­ings­menn Sjálf­stæð­is­flokks, sem situr í rík­is­stjórn, eru ekk­ert sér­stak­lega hrifnir af Sig­mundi Dav­íð. 42 pró­sent þeirra vilja Sig­urð Inga sem næsta for­mann Fram­sókn­ar­flokks­ins, 30 pró­sent vilja Lilju í það emb­ætti en ein­ungis 23 pró­sent Sig­mund Dav­íð. 

Þetta kemur fram í könnun sem Gallup gerði fyrir Við­skipta­blaðið og sagt er frá í blaði dags­ins. Könn­unin gerð dag­ana 21. til 28. sept­em­ber og hófst því tveimur dögum áður en Sig­urður Ingi til­kynnti í beinni í útsend­ingu í kvöld­fréttum RÚV á föstu­dag að hann ætl­aði að ­bjóða sig fram gegn Sig­mundi Dav­íð. 

Mun fleiri myndu kjósa Fram­sókn með Sig­urð Inga í brúnni

Frétta­blaðið birtir einnig nið­ur­stöðu ann­arrar könn­un­ar Gallup sem gerð var um stöðu mála innan Fram­sókn­ar­flokks­ins að und­ir­lag­i ­stuðn­ings­manna ­Sig­urðar Inga. Athygli vekur að könn­unin er gerð dag­anna 15. til 26. sept­em­ber en Sig­urður Ingi lýsti ekki yfir for­manns­fram­boði fyrr en föstu­dag­inn 23. sept­em­ber. Því voru stuðn­ings­menn hans sem stóðu að könn­un­inni farnir af stað með hana mörgum dögum áður en að sú yfir­lýs­ing var gefin út.

Sam­kvæmt nið­ur­stöðu hennar er mun lík­legra að fólk kjósi Fram­sókn­ar­flokk­inn ef Sig­urður Ingi verður for­maður hans en ef Sig­mundur Davíð verður það áfram. Þar segj­ast rúm­lega 40 pró­sent aðspurðra að þeir væru lík­legri til að kjósa Fram­sókn ef Sig­urður Ingi væri for­maður en ein­ungis 8,6 pró­sent ef Sig­mundur Davíð hefur áfram sem slík­ur. Sig­mundur Davíð nýtur þó einnig meiri stuðn­ings á meðal almennra Fram­sókn­ar­manna í þess­ari könnun en Sig­urður Ingi, þó afar mjótt sé á mun­um. 49 pró­sent þeirra segja að þeir styðji hann en 45 pró­sent Sig­urð Inga og sjö pró­sent segj­ast óákveðn­ir. Úrtakið í könnun stuðn­ings­manna Sig­urðar Inga var 1.436 manns. 800 svör­uðu en 636 vildu ekki svara.