Lilja Alfreðs­dóttir utan­rík­is­ráð­herra skip­aði Hrannar Pét­urs­son, aðstoð­ar­mann sinn, í stjórn Íslands­stofu í síð­ustu viku. Hún seg­ist hafa litið þannig á málið að Hrannar væri besti mað­ur­inn sem til boða stæði í stöð­una. „Þegar ég fékk Hrannar í ráðu­neytið þá var það á fag­legum en ekki póli­tískum for­send­um. Hann er ekki flokks­bund­inn Fram­sókn­ar­maður og hefur engum skyldum að gegna gagn­vart flokkn­um.“ Þetta kemur fram í Frétta­blað­inu í dag.

Hlut­verk Íslands­stofu er meðal ann­ars að vera sam­ráðs­vett­vangur stjórn­valda og atvinnu­lífs­ins fyrir mark­aðs- og kynn­ing­ar­starf á erlendri grund. Greint var frá nýrri stjórn síð­ast­lið­inn fimmtu­dag sem á að sitja næstu þrjú árin og kom þá í ljós að Hrann­ar, sem bauð sig fram til for­seta Íslands í sumar en dró svo fram­boð sitt til baka, væri einn þeirra sem skip­aður hafði ver­ið. Utan­rík­is­ráð­herra skipar fjóra stjórn­ar­menn eftir til­nefn­ingu Sam­taka atvinnu­lífs­ins, einn eftir til­nefn­ingu iðn­að­ar­ráð­herra, einn eftir til­nefn­ingu mennta- og menn­ing­ar­mála­ráð­herra og einn án til­nefn­ing­ar. Því er ljóst að Hrannar er sá sem skip­aður var án til­nefn­ing­ar. Hrannar var ráð­inn aðstoð­­ar­­maður Lilju í byrjun maí 2016. Lilja segir ekki tíma­bært að ræða hvort Hrannar verði áfram aðstoð­ar­maður hennar ef hún sitji áfram í ráð­herra­stól eftir kosn­ing­ar.

Í Frétta­blað­inu segir Lilja að Hrannar hafi gíf­ur­lega reynslu á þessu sviði og því væri hann besti mað­ur­inn sem til boða stæði í stöð­una. Hrannar er fé­lags­fræð­ingur og var um tíma sjón­­varps­frétta­­maður fyrir tæpum tveimur ára­tugum en hefur síðan mest starfað við upp­­lýs­inga- og sam­­skipta­­mál, fyrst hjá ISAL sem á og rekur álverið í Straum­s­vík og síðar fjar­­skipta­­fyr­ir­tæk­inu Voda­­fone þar sem hann stýrði einnig mannauðs-, mark­aðs- og lög­­fræð­i­­mál­­um. Þá starf­aði hann sem verk­efn­is­­stjóri í for­­sæt­is­ráðu­­neyt­i Sig­mundar Dav­íðs Gunn­laugs­sonar þar til í nóv­­em­ber 2015.

Hrannar er ekki eini aðstoð­ar­maður ráð­herra sem situr í stjórn stofn­ana eða fyr­ir­tækja í eigu rík­is­ins. Svan­hildur Hólm Vals­dótt­ir, aðstoð­ar­maður Bjarna Bene­dikts­son­ar, situr til að mynda í stjórn Íslands­pósts, og Matth­ías Ims­land, aðstoð­ar­maður Eyglóar Harð­ar­dóttur og áður Sig­mundar Davíð Gunn­laugs­son­ar, situr í stjórn Isa­via. Þá situr Sunna Gunn­ars Mart­eins­dótt­ir, aðstoð­ar­maður Gunn­ars Braga Sveins­son­ar, sjáv­ar­út­vegs- og land­bún­að­ar­ráð­herra, í stjórn Matís ohf.