Katrín Júl­í­us­dótt­ir, fyrr­ver­andi vara­for­maður Sam­fylk­ing­ar­inn­ar, hefur verið ráðin fram­kvæmda­stjóri Sam­taka fjár­mála­fyr­ir­tækja (SFF). Katrín sat á þingi í 13 ár, frá 2003 til 2016, fyrir flokk sinn en gaf ekki kost á sér til áfram­hald­andi þing­setu fyrir nýliðnar kosn­ing­ar. Hún gengdi emb­ætti iðn­að­ar­ráð­herra og síðar fjár­mála-og efna­hags­ráð­herra í rík­is­stjórn Sam­fylk­ingar og Vinstri grænna á árunum 2009 til 2013. 

Sam­tök fjár­mála­fyr­ir­tækja eru heild­ar­sam­tök fjár­mála­fyr­ir­tækja á Íslandi. Stjórn­ar­for­maður þeirra er Birna Ein­ars­dótt­ir, banka­stjóri Íslands­banka. Aðrir stjórn­ar­menn eru Hannes Frí­mann Hrólfs­son, for­stjóri Virð­ing­ar, Hösk­uldur H. Ólafs­son, banka­stjóri Arion banka, Jakob Sig­urðs­son, for­stjóri VÍS, Sig­urður Atli Jóns­son, for­stjóri Kviku, Sig­urður Við­ars­son, for­stjóri TM, Stein­þór Páls­son, banka­stjóri Lands­bank­ans og Vil­hjálmur G. Páls­son, frá Spari­sjóði Aust­ur­lands.

Í til­kynn­ingum frá SFF segir Katrín að hún sé spennt fyrir því að taka á við nýja starf­ið. „Í störfum mínum í stjórn­málum í gegnum tíð­ina hefur það alltaf verið mér mikið kapps­mál að vinna að sam­eig­in­legri sýn og ná árangri í þeim verk­efnum sem liggja fyr­ir. Starfs­um­hverfi fjár­mála­fyr­ir­tækja er sífellt að breyt­ast og ég hlakka til að fá að taka þátt í því að koma að verk­efnum sem tengj­ast þeirra hags­muna­mál­u­m.“

Katrín tekur við starf­inu af Guð­jóni Rún­ars­syni, sem starf­aði hafði sem fram­kvæmda­stjóri sam­tak­anna frá stofnun þeirra árið 2006. Til­kynnt var um starfs­lok Guð­jóns í lok sept­em­ber. 

Til­gangur og meg­in­verk­efni Sam­taka fjár­mála­fyr­ir­tækja eru að vera málsvari fjár­mála­fyr­ir­tækja í hags­muna­málum þeirra og stuðla að því að ­starfskil­yrði þeirra séu sam­keppn­is­hæf. SFF gæta hags­muna aðild­ar­fé­laga sam­tak­anna gagn­vart ­stjórn­völd­um, eft­ir­lits­stofn­un­um, almenn­ingi og atvinnu­lífi og aðstoða þau við að byggja upp heil­brigt og traust fjár­mála­kerfi.