Þings­á­lykt­un­ar­til­laga um þjóð­ar­at­kvæða­greiðslu um Evr­ópu­sam­bandið verður lögð fram á þessu kjör­tíma­bil­i. „Þetta er orðað þannig í stjórn­ar­sátt­mál­anum að „komi fram“. Það er eins og þarna sé ein­hver mistería um hvort ein­hverjum detti það í hug. Ég get þá bara upp­lýst það hér og nú að hún mun koma fram,“ segir Jón Stein­dór Valdi­mars­son, þing­maður Við­reisn­ar. 

Þetta sagði Jón Stein­dór í þætt­inum á Sprengisandi í morg­un. Hann sagð­ist jafn­framt leggja þann skiln­ing í orða­lagið undir lok kjör­tíma­bils­ins, eins og það er orðað í stjórn­ar­sátt­mála Sjálf­stæð­is­flokks, Við­reisnar og Bjartrar fram­tíð­ar, að það þýði síð­asta ár kjör­tíma­bils­ins. 

Jón Stein­dór seg­ist ekki reikna með að styðja þings­á­lykt­un­ar­til­lögu sem yrði lögð fram fyrr, því hann líti svo á að hann hafi skuld­bundið sig til að styðja rík­is­stjórn­ar­sam­starfið og þá mála­miðlun sem náð var. 

„Ég er þátt­tak­andi núna í rík­is­stjórn sem að hefur gert þetta sam­komu­lag og ég virði það sam­komu­lag, en ég ætl­ast að sama skapi til þess af rík­is­stjórn­inni og öllum þing­mönn­um, líka sjálf­stæð­is­þing­mönn­un­um, að þeir muni greiða götu þess að slíkt mál fái fram­gang á síð­asta ári kjör­tíma­bils­ins og muni ekki leggja stein í götu þess.“

Jón Stein­dór sagði einnig í þætt­inum að orða­lagið um Evr­ópu­mál í stjórn­ar­sátt­mál­anum hafi ekki verið óska­nið­ur­staða Við­reisn­ar. Flokk­ur­inn hafi hins vegar metið það þannig að ekki yrði lengra kom­ist og að þetta væri nið­ur­staða sem hægt væri að lifa með.