Christine Lag­ar­de, fram­kvæmda­stjóri Alþjóða­gjald­eyr­is­sjóðs­ins, segir Bretar þurfi að búa sig undir erf­ið­leika og vanda­mál vegna útgöngu úr Evr­ópu­sam­band­inu. Ther­esa May, for­sæt­is­ráð­herra Bret­lands, hefur sagt með ákveðnum hætti að Bret­land muni yfir­gefa innri markað Evr­ópu­sam­bands­ins hratt og örugg­lega. Reynt verði að hraða því ferli eins og mögu­legt er. 

May sagði í ræðu fyrr í vik­unni, að Bretar myndu ráða sér sjálfir eftir útgöng­una, þar með talið landa­mærum sín­um, og þá myndi Bret­land geta gert við­skipta­samn­inga á frjálsum grund­velli við helstu við­skipta­þjóð­ir. Útgangan ætti ekki að ógna efna­hag Bret­lands, þvert á móti að efla hann til lengdar lit­ið. 

Óhætt er að segja að ekki séu allir sam­mála þessar grein­ingu May. Frá því fyrir um hálfu ári, þegar almenn­ingur í Bret­landi kaus með Brexit í þjóð­ar­at­kvæða­greiðslu, þá hafa efna­hags­horfur í Bret­landi ekki styrkst neitt. Dýfan hefur hins vegar ekki verið eins slæm og svört­ustu spár gerðu ráð fyr­ir, meðal ann­ars frá Alþjóða­gjald­eyr­is­sjóðn­um. Gengi punds­ins gagn­vart helstu við­skipta­myntum heims­ins hefur hins vegar hrap­að.

Lag­arde sagði í við­tali við breska rík­is­út­varpið BBC að þrátt fyrir að May hafi svarað skýrt mik­il­vægum spurn­ing­um, eins og að Bretar ætl­uðu sér út úr innri mark­aði Evr­ópu­sam­bands­ins, þá væri ekki ljóst á hvaða grund­velli við­skipti frá Bret­landi við Evr­ópu­sam­bands­ríki ættu að eiga sér stað þannig að allt gæti gengið vel fyrir sig. Hlut­irnir væru ekki ein­fald­ir, heldur flókn­ir. 

Hún sagð­ist ótt­ast að eng­inn samn­ingur yrði jafn góður fyrir Bret­land eins og að vera hluti af reglu­verki innri mark­að­ar­ins.

Jean Claude Juncker, for­­seti fram­­kvæmda­­stjórnar Evr­­ópu­­sam­­bands­ins, segir að samn­inga­við­ræður um útgöngu Breta úr Evr­­ópu­­sam­­band­inu verði „mjög, mjög, mjög erf­ið­­ar.“ Juncker ræddi við blaða­­menn í Strass­­borg í gær og tal­aði meðal ann­­ars um ræðu Ther­esu May, for­­sæt­is­ráð­herra Bret­lands, um útgöng­una.