Hanna Katrín Frið­riks­son, þing­flokks­for­maður Við­reisn­ar, segir að stjórn­ar­and­staðan hafi verið sam­stíga í því að færa góð verk rík­is­stjórn­ar­innar upp á Sjálf­stæð­is­flokk­inn og þar sé að finna hluta skýr­ing­ar­innar á því að fylgi Við­reisnar mælist jafn lítið og raun ber vitni. Við­reisn mæld­ist með 3,1 pró­sent fylgi í nýlegri könnun miðla 365 og Björt fram­tíð, sem er þriðji flokk­ur­inn í rík­is­stjórn­inni, mæld­ist með 3,8 pró­sent. Yrði það nið­ur­staða kosn­inga myndu hvor­ugir flokk­anna kom­ast inn á þing. Á sama tíma mælist Sjálf­stæð­is­flokk­ur­inn með 32 pró­sent fylgi, sem er yfir kjör­fylgi.

Hanna Katrín var á meðal gesta á vett­vangi dags­ins í Silfr­inu í dag. Hún sagði að stemmn­ingin hjá stjórn­ar­and­stöð­unni væri að draga Við­reisn niður í fylgi og það væri ekki skemmti­legt að fá svona lélegar kann­an­ir. Hanna Katrín velti því fyrir sér að það gæti verið vegna þess að hún teldi Við­reisn vera meiri ógn en Sjálf­stæð­is­flokk­inn. Logi Ein­ars­son, for­maður Sam­fylk­ing­ar­inn­ar, sagði Við­reisn og Björt Fram­tíð hafi gengið Sjálf­stæð­is­flokknum algjör­lega á hönd og að sá flokkur væri ein­ráður í rík­is­stjórn­inni.

Höf­uð­bólið ræður

Hanna Katrín benti á að rík­is­stjórnin sé ekki nema um 80 daga gömul og það væri strax ljóst að sitj­andi rík­is­stjórn hefði leyst ýmis mál á annan hátt en orðið hefði ef Við­reisn væri ekki hluti af henni. Þar nefndi hún til að mynda sjó­manna­verk­fall, sem Hanna Katrín teldi að síð­asta rík­is­stjórn hefði lík­leg­ast leyst með sér­tækri lausn, en útgerð­ar­menn fóru ítrekað fram á að íslenska ríkið tæki á sig hluta launa­hækk­unar sjó­manna með því að gera fæð­is­pen­inga skatt­frjálsa. Hanna Katrín sagð­ist ekki hrædd við það að Við­reisn verði dæmd að verkum sínum síðar meir. Flokk­ur­inn hefði komið fullt af stórum umbóta­málum inn í stjórn­ar­sátt­mála, eins og breyt­ingar á pen­inga­stefnu og varð­andi Evr­ópu­mál.

Logi sagði það alrangt að stjórn­ar­and­staðan væri að mála Við­reisn og Bjarta fram­tíð í ósann­gjörnu ljósi. Rík­is­stjórnin væri gagn­rýnd harð­lega, enda telji and­stöðu­flokk­arnir hana vera órétt­láta hægri stjórn. Við­reisn og Björt fram­tíð hafi hins vegar gengið Sjálf­stæð­is­flokknum algjör­lega á hönd og sá flokkur væri ein­ráður í þessu stjórn­ar­sam­starfi. „„Menn sjá kannski ekki til­gang­inn að styðja hjá­leið­ina þegar höf­uð­bólið ræð­ur.“

Logi sagði að á þeim skamma tíma sem lið­inn er frá því að rík­is­stjórnin tók við hafi komið fram að þörf sé á grund­vallar­á­tökum um sam­fé­lag­ið. Um jöfn­uð, um skipt­ingu gæða, um hvort að auð­ræðið verði end­an­lega til grund­vallar í íslenskum sam­fé­lagi. Eða hvort hægt verði að ná að taka á þessum mál­um: fátækt, mis­skipt­ingu og órétt­læti.