Á aðal­fundi Stoða, sem áður hét FL Group og hefur farið í gegnum nauða­samn­ings­ferli, 21. apríl síð­ast­lið­inn, var árs­reikn­ingur félags­ins fyrir árið 2016 lagður fram og sam­þykktur af hlut­höf­um, en í stjórn félags­ins voru kosin Jón Sig­urðs­son, Iða Brá Bene­dikts­dótt­ir, fram­kvæmda­stjóri fyr­ir­tækja­sviðs Arion banka, og Örvar Kjærne­sted fjár­fest­ir.

Jón var á árum áðum for­stjóri FL Group, sem var meðal ann­ars um tíma stór hlut­hafi í Glitn­i. 

Í frétt Mark­að­ar­ins í dag segir að íslenskir fjár­festar ásamt trygg­inga­fé­lag­inu TM hafi fest kaup á ríf­lega fimm­tíu pró­senta hlut í eign­ar­halds­fé­lag­inu Stoð­um, sem áður hét FL Group, af Glitni HoldCo og erlendum fjár­mála­stofn­un­um.

Afkoma félags­ins í fyrra var nei­kvæð um 4,8 millj­arða króna. Eigið fé félags­ins í árs­lok, sam­kvæmt árs­reikn­ingi, nam 12,9 millj­örðum króna. 

Heild­ar­eignir eru metnar á 13,3 millj­arða króna en Glitnir HoldCo var stærsti hlut­haf­inn um ára­mót, en eins og áður segir hafa nú íslenskir fjár­festar komið að félag­inu.

Helsta eign stoða er 8,8 pró­sent hlutur í drykkjvar­vöru­fram­leið­and­anum Refresco sem skráð er á markað í Holland­i. 



For­stjóri Stoða er Júl­íus Þor­finns­son. 



Aðrir stórir hlut­hafar Stoða, um ára­mótin síðustu, voru meðal ann­ars Arion banki, sem á ríf­lega 16 pró­sent hlut, og Lands­bank­inn sem á ríf­lega 13 pró­sent hlut. Íslands­banki á óveru­legan­hlut, eða 1,71 pró­sent hlut.