Sig­urður Atli Jóns­son, for­stjóri Kviku, hefur til­kynnt stjórn bank­ans ákvörðun sína um að láta af störf­um. Þetta kemur fram í til­kynn­ingu frá bank­an­um. 

Hann hefur verið for­stjóri Kviku frá árinu 2011, en þá hét bank­inn MP banki. Sig­urður Atli leiddi sam­runa MP banka og Straums árið 2015. Sam­run­inn tókst framar öllum vonum á þessum tíma undir stjórn og leið­sögn Sig­urðar Atla. Nýr, sjálf­stæður og sér­hæfður fjár­fest­inga­banki varð til undir nafni Kviku.

„Núna er rétti tím­inn fyrir mig til að gera breyt­ing­ar,“ er haft eftir Sig­urði Atla í frétta­til­kynn­ingu. Ekki kemur fram þar hvað hann hyggst gera.

„Það er ánægju­legt hve vel hefur tek­ist til að búa til nýjan íslenskan banka. Þróun hans hefur tek­ist ein­stak­lega vel. Ein­stakur árangur bank­ans grund­vall­ast á skýrri fram­tíð­ar­sýn um að vera sjálf­stæður og sér­hæfður fjár­fest­inga­banki, sam­þættri stefnu­legri áætl­un, skipu­legri upp­bygg­ingu fyr­ir­tækja­menn­ingar og umfram allt frá­bæru starfs­fólki. 

Það er ljóst að þetta verk­efni hefur tek­ist ein­stak­lega vel og fram­tíð bank­ans er afar björt. Árs­upp­gjör Kviku í fyrra og afkoman núna á fyrsta fjórð­ungi eru til vitnis um það. Slíkar nið­ur­stöður gera mig óneit­an­lega stoltan sem for­stjóra og leið­toga þessa góða hóps fólks sem ég hef haft ánægju af að starfa með. Ég vil þakka frá­bærum við­skipta­vinum og fyr­ir­tækjum í klasa­sam­fé­lagi Kviku fyrir góð sam­skipti og gott sam­starf,“ segir í til­kynn­ing­unni.

Þar er einnig haft eftir stjórn Kviku að hún sjái á eftir Sig­urði Atla og honum er þakkað fyrir vel unnin störf.