Frá því á mánu­dag þegar Was­hington Post greindi fyrst frá því að Don­ald J. Trump Banda­ríkja­for­seti hefði lekið leyni­legum upp­lýs­ingum um hin svo­nefndu ISIS hryðju­verka­sam­tök, þá má segja að upp­nám hafi verið í Hvíta hús­in­u. 

Heim­ild­ar­menn Was­hington Post voru emb­ætt­is­menn sem ekki vildu koma fram undir nafni, og voru upp­lýs­ing­arnar sagðar afar við­kvæm­ar. Trump átti að hafa deilt þeim með Sergey Lavrov, utan­rík­is­ráð­herra Rússa, og Sergey Kis­lyak, hinum umdeilda sendi­herra Rússa í Was­hington DC.

Síðan þessi frétt birt­ist fór af stað atburða­rás sem ekki sér fyrir end­ann á enn­þá. 

Nokkur atriði má þar telja til. 

1. Don­ald Trump brást æfur við fréttum Was­hington Post. Hann sagði frétt­irnar rangar og þær væru dæmi um „falskar frétt­ir“. Undir þetta tóku starfs­menn hans í Hvíta hús­inu, meðal ann­ars fjöl­miðla­full­trú­inn Sean Spicer. Á fundi í Hvíta hús­inu fóru ráð­gjaf­arnir Stephen Bann­on, Mike Dubke, Sarah Sand­ers og fyrr­nefndur Spicer afsíðis um tíma, og heyrðu blaða­menn þá öskur og læti innan úr her­berg­inu. Eitt­hvað var aug­ljós­lega ekki eins og það átti að ver­a. 

2. Wall Street Journal greindi síðar enn meira frá mál­inu í gær, og sagði að upp­lýs­ing­arnar sem Trump lak í Rússa hafi sann­ar­lega verið háleyni­legar og taldar við­kvæmar, því þær voru komnar frá ísra­elsku leyni­þjón­ust­unni Mossad og yfir­völdum í Ísr­a­el. Líkt og var með fréttir Was­hington Post þá var þessu mót­mælt í Hvíta hús­inu.

3. Í gær­kvöldi tók þetta til­tekna mál, síðan nýja stefnu. Þegar Trump við­ur­kenndi, fús­lega, að hafa deilt við­kvæmum leyni­legum upp­lýs­ingum með Rúss­um. Hann sagð­ist síð­ar, á Twitter aðgangi sín­um, að hann hefði gert þetta af „mann­úð­ar­á­stæð­um“ til að reyna að fá Rússa til meira sam­starfs í bar­átt­unni gegn ISIS. Fyrra tal for­set­ans og starfs­manna hans, um falskar frétt­ir, reynd­ist því ekki á rökum reist. 

4. Í gær­kvöldi og nótt, að íslenskum tíma, voru síðan sagðar fréttir af því að í minn­is­blaði James Comey, sem Trump rak úr starfi yfir­manns FBI á dög­un­um, kæmi fram að Trump hefði kraf­ist þess að rann­sókn alrík­is­lög­regl­unnar á tengslum Mich­ael Flynn, hins brottrekna fyrr­ver­andi þjóðar­ör­ygg­is­ráð­gjafa, við Rússa, yrði hætt. Þing­menn úr báðum flokk­um, Demókrata og Repúblikana, hafa lagt fram kröfu um að öll gögn um sam­skipti for­set­ans við Comey verði lögð fram og þing­menn fái mögu­leika á því að greina þau. Sér­fræð­ingar sem Was­hington Post ræddi við, sögðu að mögu­lega væri Trump að brjóta lögin með þessum afskiptum af rann­sókn­inni, ef þessar upp­lýs­ingar reynd­ust rétt­ar. 

5. Repúblikan­inn John McCain sagði að þessi atriði sem tengd­ust leka hans á upp­lýs­ingum til Rússa og meintum afskiptum af rann­sókn­inni á tengslum Flynn við Rússa, væru alvar­leg og að Banda­ríkja­þing þyrfti að fá réttar upp­lýs­ingar um það sem hefði gerst. Sam­kvæmt breska rík­is­út­varp­inu BBC á hann að hafa sagt við valda gesti í kvöld­verði á dög­un­um, að málin sem tengd­ust Trump, væru nú á svip­uðum stalli og Watergate hneykslið, sem að lokum leiddi til þess að Richad Nixon, þáver­andi for­seti Banda­ríkj­anna, fór úr emb­ætti.