Pen­inga­stefnu­nefnd Seðla­banka Íslands hefur ákveðið að lækka vexti bank­ans um 0,25 pró­sent­ur. Meg­in­vextir bank­ans, vextir á sjö daga bundnum inn­lán­um, verða því 4,75%.

Þetta kemur fram í yfir­lýs­ingu pen­inga­stefnu­nefndar nú í morg­un. 

„Traust­ari kjöl­festa verð­bólgu­vænt­inga við verð­bólgu­mark­miðið og hækkun gengis krón­unnar hafa gert pen­inga­stefnu­nefnd mögu­legt að ná lög­boðnu mark­miði um verð­stöð­ug­leika við lægra vaxta­stig en ella,“ segir í yfir­lýs­ing­unni um ástæður þess að ákveðið er að lækka vext­ina. 

Horfur séu á hröðum hag­vexti í ár eins og í fyrra, og bæði árin séu umfram það sem spáð var í febr­ú­ar. Það skýrist einkum af meiri vexti í ferða­þjón­ustu en áður var búist við, og einnig segir pen­inga­stefnu­nefnd meiri slökun í aðhaldi opin­berra fjár­mála hafa áhrif. 

„Spenna á vinnu­mark­aði og í þjóð­ar­bú­skapnum í heild hefur því auk­ist þrátt fyrir auk­inn inn­flutn­ing vinnu­afls og kröft­ugan fram­leiðni­vöxt. Á móti auk­inni spennu vegur hækkun gengis krón­unn­ar. Hún hefur gegnt lyk­il­hlut­verki í aðlögun þjóð­ar­bús­ins að búhnykkjum sem rekja má til betri við­skipta­kjara og vaxtar ferða­þjón­ust­u.“

Verð­bólgan mæld­ist 1,9% í apríl en und­ir­liggj­andi verð­bólga virð­ist hins vegar heldur hafa minnkað und­an­farna mán­uði, að sögn pen­inga­stefnu­nefnd­ar. Geng­is­hækk­unin og lítil alþjóð­leg verð­bólga vega sem fyrr á móti verð­bólgu­þrýst­ingi af inn­lendum rótum og hefur bilið á milli verð­þró­unar inn­lendra þátta, einkum hús­næð­is­kostn­að­ar, og erlendra þátta auk­ist enn frekar frá síð­asta fundi nefnd­ar­inn­ar. „Tveir gagn­stæðir kraftar hafa áhrif á verð­bólgu­horf­ur. Spenna í þjóð­ar­bú­skapnum hefur reynst meiri en spáð var en á móti vegur hærra gengi krón­unn­ar. Verð­bólgu­horfur fyrir þetta og næsta ár hafa batnað en versnað þegar líður á spá­tím­ann.“

Nefndin segir að skýr merki um aukna spennu í þjóð­ar­bú­skapnum kalli á pen­inga­legt aðhald svo að tryggja megi verð­stöð­ug­leika til með­al­langs tíma. Raun­vextir bank­ans hafi hækkað lít­il­lega frá síð­asta fundi nefnd­ar­innar og geng­is­hækkun krón­unnar feli einnig í sér aukið aðhald.

„Seðla­bank­inn hefur dregið úr inn­gripum á gjald­eyr­is­mark­aði í ljósi rúmrar forða­stöðu enda er geng­is­hækk­unin talin end­ur­spegla und­ir­liggj­andi efna­hags­þró­un. Seðla­bank­inn mun eftir sem áður grípa inn í á gjald­eyr­is­mark­aði til að draga úr sveiflum eftir því sem hann telur til­efni til. Traust­ari kjöl­festa verð­bólgu­vænt­inga við verð­bólgu­mark­miðið og hækkun gengis krón­unnar hafa gert pen­inga­stefnu­nefnd mögu­legt að ná lög­boðnu mark­miði um verð­stöð­ug­leika við lægra vaxta­stig en ella. Aðhalds­stig pen­inga­stefn­unnar á kom­andi miss­erum mun ráð­ast af fram­vindu efna­hags­mála og annarri hag­stjórn.“