Vor­fundur mið­stjórnar Fram­sókn­ar­flokks­ins fór fram í dag. Búist var við átaka­fundi, enda flokk­ur­inn í sárum eftir mikil inn­an­flokksá­tök, verstu útreið sína í kosn­ingum í sög­unni og algjöra úti­lokun frá form­legum stjórn­ar­mynd­un­ar­við­ræð­um. Fund­ur­inn stóð undir þeim vænt­ingum sem til hans voru gerð­ar. Fylk­ingar sem styðja ann­ars vegar sitj­andi for­mann og hins vegar fyrr­ver­andi for­mann tók­ust á.

Sig­urður Ingi Jóhanns­son, for­maður Fram­sókn­ar­flokks­ins, hélt ræðu við upp­haf fundar og kall­aði eftir meiri sam­stöðu í þing­flokki Fram­sókn­ar­flokks­ins. Hann gagn­rýndi þá sem hefðu gagn­rýnt nið­ur­stöðu síð­asta flokks­þings, þegar Sig­urður Ingi felldi Sig­mund Davíð Gunn­laugs­son úr for­manns­stóli í dramat­ískri for­manns­kosn­ingu. Hollt og gott væri að flokks­menn væru ósam­mála og að þeir rök­ræddu um mál­in, en ákvörðun sé þó alltaf tekin með lýð­ræð­is­legum hætti á end­anum og það verði að virða. 

Sam­kvæmt end­ur­sögn RÚV úr ræðu Sig­urðar Inga sagði hann svo: „ En það virð­ist ekki öllum gefið að geta sætt sig við það sem  flokks­menn ákveða með lýð­ræð­is­legum aðferð­um. Í Morg­un­blað­inu í gær mátti lesa hvaða augum sumir líta flokk­inn okkar og ákvarð­anir okkar flokks­manna. Þar segir ein­hver að rán hafi átt sér stað í haust og þeir, sem á að hafa verið rænt frá, fyr­ir­gefi ekki slíkan gjörn­ing, ekki núna, ekki seinna! Auga fyrir auga, tönn fyrir tönn, hefur verið við­haft af minna til­efni. Það sem ég spyr mig að er; er þetta sam­vinnu­maður sem talar svona,  þetta er ekki  sér­lega fram­sókn­ar­leg nálg­un? Og hvaða fyr­ir­gefn­ingu er verið að tala um, við hvern á að segja „sor­rí“? Hin almenna fram­sókn­ar­mann, meiri­hluta full­trúa á flokks­þingi? Á flokks­þingi í haust var tek­ist á. Svo virð­ist sem sumir líti á nið­ur­stöðu þess þings sem ein­hvers konar svik við hluta flokks­ins. Það er að segja, að meiri­hlut­inn hafi svikið minni­hlut­ann. Og nú sé bara spurn­ingin hvenær þau svik verði leið­rétt.“

Sig­mundur Davíð sagði við RÚV að honum hafi þótt ræða Sig­urðar Inga „ekk­ert sér­stök“. Það væri ekki búið að gera upp það sem hefði átt sér stað á síð­asta flokks­þingi og það hafi áhrif á sam­bandið milli hans og sitj­andi for­manns. Mið­stjórn­ar­fund­ur­inn sam­þykkti að halda flokks­þing í jan­úar næst­kom­andi og sagði Sig­mundur Davíð það vera „sig­ur“. Hann vildi ekki svara því með afger­andi hætti hvort hann myndi bjóða sig fram til for­manns á ný á því flokks­þingi. „Ég ætla að meta það hvernig málin þró­ast næstu miss­er­in,“ sagði Sig­mundur Davíð við RÚV.