Don­ald Trump, for­seti Banda­ríkj­anna, sagð­ist á blaða­manna­fundi í garði Hvíta húss­ins í dag styðja 5. grein sátt­mál­ans um Atl­ants­hafs­banda­lag­ið, NATO.

Frá þessu er greint á vef frétta­stof­unnar Reuters.

Trump hefur allt frá því að hann var val­inn for­seta­efni repúblik­ana fyrir for­seta­kosn­ing­arnar í fyrra kastað rýrð á gildi sátt­mál­ans og sagt önnur aðild­ar­ríki verða að fara að greiða meira til varn­ar­mála en þau gera nú þeg­ar.

Sam­kvæmt þess­ari fimmtu grein NATO-sátt­mál­ans þá jafn­gildir árás á eitt aðild­ar­ríki NATO árás á þau öll. Varnir Íslands eru til dæmis tryggðar í þessum sátt­mála, enda reiða Íslend­ingar sig ein­göngu á heri ann­ara landa ef óvina­her ræðst hér á land.

NATO-að­ild hefur hins vegar mun skýr­ari þýð­ingu fyrir löndin aust­ast í Evr­ópu, og landamæra­ríkin við Rúss­land. Eistra­salts­ríkin þrjú hafa und­an­farin ár ótt­ast inn­rás Rússa í síauknum mæli. Orð Don­alds Trump um NATO hafa ekki sefað þann ótta.

Trump lýsti því síð­ast á fundi þjóð­ar­leið­toga NATO-­ríkja í Brus­sel að önnur NATO-­ríki yrðu að borga sinn skerf til varn­ar­mála ef að Banda­ríkin ættu að koma þeim til varnar ef eitt­hvað bját­aði á.

„Ég er að skuld­binda Banda­ríkin við 5. grein­ina og að sjálf­sögðu erum við hér til þess að vernda,“ sagði Trump og hélt áfram: „og það er ein ástæða þess að ég vil láta fólk vita að við eigum mjög, mjög sterkan her með því að borga eins mikið og við gerum til varn­ar­mála.“

„En já, algjör­lega þá mundi ég virkja 5. grein­ina.“