Fjórir fyrr­ver­andi stjórn­endur Barclays bank­ans í Bret­landi hafa verið ákærðir vegna neyð­ar­fjár­mögn­unar sem bank­inn fékk árið 2008 frá fjár­festum í Kat­ar.

Meðal þeirra ákærðu er John Var­ley, sem var for­stjóri bank­ans á þessum tíma. Þrír aðrir starfs­menn bank­ans, Roger J­enk­ins, Thom­a­s Kal­aris, og Ric­hard ­Bo­ath, hafa einnig verið ákærð­ir. 

Í yfir­lýs­ingu frá­ Barclays kemur fram að bank­inn vegi nú og meti kosti sína. Alls var safnað millj­örðum punda frá katörskum fjár­festum til að koma í veg fyrir að ríkið þyrfti að taka yfir skuldir bank­ans.

Ákæran snýr að lán­veit­ingum bank­ans, upp á tvo millj­arða pund­ar, eða sem nemur um 250 millj­örðum króna, sem fóru í að kaupa eigin hluta­bréf í bank­an­um.

Eru þessar aðgerðir sagðar hafa dregið upp falska mynd af stöðu bank­ans, með mark­aðs­mis­notk­un, sem leiddi til þess að breska ríkið tók bank­ann ekki yfir, eins og ann­ars hefði gerst. 

Sam­kvæmt umfjöllun BBC snýr ákæran meðal ann­ars að svikum og ólög­mætri aðstoð, en háar ráð­gjafagreiðslur til fjár­fest­ana frá Katar eru meðal þess sem talið er ólög­legt í mál­inu.

Sam­tals fékk Barclays 12 millj­arða punda frá Katar, til að kom­ast hjá þjóð­nýt­ingu, að því er fram kemur í umfjöllun BBC.