Vöru-og þjón­ustu­inn­flutn­ingur Íslend­inga hefur auk­ist mikið und­an­farin miss­eri, sér í lagi hefur inn­flutn­ingur á sjón­varps­tækjum auk­ist um nær þriðj­ung á einu ári. Á sama tíma má greina breytt neyslu­mynstur ferða­manna, en korta­velta hvers erlends ferða­manns hefur dreg­ist saman um 20% á síð­ustu fimm árum. Þetta kemur fram í nýbirtri grein­ingu Arion banka á utan­rík­is­við­skipti Íslands.

Ef miðað er við geng­is­vísi­tölu, verð­lag í krónum og neyslu­mynstur ferða­manna má ætla að hjá ferða­mönnum hefur verð­lag inn­lendrar þjón­ustu hækkað um allt að 81% frá maí 2012 til maí 2017. Sam­hliða þess­ari verð­hækkun má greina um það bil 20% sam­drátt í korta­verslun þeirra fyrir sama tíma­bil í  mörgum versl­un­ar­geirum, fyrir utan dag­vöru­versl­un. 

Í grein­ing­unni segir að sterkar vís­bend­ingar séu um að hver ferða­maður dvelji skemur og ferð­ist minna inn­an­lands. Fleiri ferða­menn komu til lands­ins með árunum síðan 2012, en nýt­ing hót­el­her­bergja á Suð­vest­ur­horn­inu jókst mun meira en á stöðum fjarri Höf­uð­borg­ar­svæð­inu. Frá­ ­febr­ú­ar 2016 fækk­aði gistin­óttum hvers ferða­manns úr 2,5 niður í 1,5 í apríl síð­ast­lið­inn. 

Mik­ill ­kraft­ur hefur verið í inn­flutn­ingi  á vöru og þjón­ustu í kjöl­far kaup­mátt­ar­aukn­ingar Íslend­inga. Sem dæmi hefur inn­flutn­ingur á sjón­varps­tækjum auk­ist um nær þriðj­ung á einu ári og hlut­fall lands­manna sem fara mán­að­ar­lega til útlanda hefur tvö­fald­ast á síð­ustu fimm árum. Einnig hefur vöru­inn­flutn­ingur atvinnu­lífs­ins auk­ist umtals­vert,  en vöxtur í  inn­flutn­ing­i ­bygg­ing­ar­vara ­gefur góðar vís­bend­ingar um að ráð­ist verði í mikla upp­bygg­ingu í náinni fram­tíð. 

Sam­hliða auknum inn­flutn­ingi hefur vöru­út­flutn­ingur minnkað miðað við sama tíma­bil í fyrra, en báðir þættir hafa nei­kvæð áhrif á við­skipta­jöfnuð við útlönd. Grein­ing­ar­deildin telur hins vegar vöru­út­flutn­ing­inn muni taka við sér þegar áhrif sjó­manna­verk­falls­ins fjara út með árin­u. 

Sögu­lega hefur við­skipta­jöfn­uður fylgt raun­geng­inu, en með vexti ferða­þjón­ust­unnar hefur mynd­ast gjá þar á milli. Fjallað er um þetta í grein­ing­unni, en talið er að útflutn­ingur og hag­kerfið í heild muni ekki ráða við núver­andi raun­gengi þegar horft er til lengri tíma. Hins vegar telur hún að raun­gengið muni halda áfram að styrkj­ast á næstu þremur árum en að hægja fari á vext­in­um, eins og sést á mynd hér að ofan.