Kaup­fé­lag Skag­firð­inga á nú 14,15 pró­sent í Þórs­mörk, einka­hluta­fé­lag­inu sem á útgáfu­fé­lag Morg­un­blaðs­ins Árvak­ur, eftir að félagið Íslenskar sjáv­ar­af­urðir bætti við hlut sinn. Íslenskar sjáv­ar­af­urðir eru í eigu Kaup­fé­lags Skag­firð­inga.

Núver­andi eig­endur Árvak­urs, juku hlutafé sitt í sumar um 200 millj­ónir króna. Frá þessu er greint í Frétta­blað­inu í dag.

Kaup­fé­lag Skag­firð­inga lagði til mest af þeim pen­ingum sem lagðir voru til við­bótar í félagið og við það minnk­aði hlutur Ram­ses II, félags í eigu Eyþórs Arn­alds, um nærri tvö pró­sentu­stig, og er nú 22,87 pró­sent.

Eyþór Arn­alds er enn stærsti ein­staki eig­andi Árvak­urs en félög tengd Ísfé­lagi Vest­manna­eyja eru hins vegar enn með sam­an­lagt stærstan eign­ar­hlut. Ísfé­lagið á sjálft 13,43 pró­sent hlut og félagið Hlynur A, í eigu Guð­bjargar Matth­í­as­dótt­ur, aðal­eig­anda Ísfé­lags­ins, á 16,45 pró­sent hlut. Auk þess á félagið Legalis 12,37 pró­sent hlut. Eig­endur þess eru m.a. Sig­­ur­­björn Magn­ús­­son, stjórn­­­ar­­for­­maður Árvak­­urs og stjórn­­­ar­­maður í Ísfé­lag­inu, og Gunn­laugur Sævar Gunn­laugs­­son, stjórn­­­ar­­for­­maður Ísfé­lags­ins. Sam­an­lagður hlutur þess­­arar blokkar í Árvakri er 42,25 pró­­sent.

Íslenskar sjáv­ar­af­urðir eru þriðji stærsti eig­andi Þórs­merkur ehf. eftir hluta­fjár­aukn­ing­una.

Eign­ar­halds­upp­lýs­ingar útgáfu­fé­lags Morg­un­blaðs­ins Árvak­urs voru upp­færðar á vef Fjöl­miðla­nefndar 6. júlí síð­ast­lið­inn. Eign­ar­hald Morg­un­blaðs­ins sam­kvæmt skrán­ingu fjöl­miðla­nefndar má lesa hér að neð­an:

Eig­endur Árvak­urs:

• Þórs­mörk ehf., 99%
• Legalis sf., for­svars­maður Sig­ur­björn Magn­ús­son, 1%

Eig­endur Þórs­merkur ehf.:

• Ram­ses II ehf., eig­andi Eyþór Lax­dal Arn­alds, 22,87%
• Hlynur A ehf., for­sv.­maður Guð­björg Matth­í­as­dótt­ir, 16,45%
• Íslenskar sjáv­ar­af­urðir ehf., for­sv.m. Sig­ur­jón Rafns­son, 14,15%
• Ísfé­lag Vest­manna­eyja hf., for­sv.­maður Stefán Frið­riks­son 13,43%
• Legalis sf., for­sv.­maður Sig­ur­björn Magn­ús­son, 12,37%
• Rammi hf., for­sv.­maður Ólafur Mart­eins­son, 6,14%
• Þingey ehf., for­sv.­maður Aðal­steinn Ing­ólfs­son 4,10%
• Fjár­fest­inga­fé­lagið GIGAS ehf., for­sv.m. Hall­dór Krist­jáns­son, 3,52%
• Brekku­hvarf ehf., 2,05%
• Lýsi hf., for­sv.m. Katrín Pét­urs­dótt­ir, 1,69%
• Fari ehf., for­sv.­maður Jón Pálma­son, 1,76%
• Skolla­borg ehf., for­sv.m. Einar Valur Krist­jáns­son, 1,48%