Gústaf Adolf Níels­son, segir að opið bréf sem hann skrif­aði til félags múslima í Morg­un­blaðið í haust, þar sem hann spurð­ist fyrir um fjár­mögnun moskubygg­ingar á Íslandi, hafi vakið athygli Svein­bjargar Birnu Svein­björs­dótt­ur, odd­vita Fram­sóknar og flug­vall­ar­vina í Reykja­vík. Í kjöl­farið hafi honum verið boðið að ger­ast vara­maður flokks­ins í mann­réttinda­ráði Reykja­vík­ur­borg­ar.

Í við­tali við DV í dag segir Gúst­af: "Hún hafði sam­band við mig um miðjan des­em­ber og bar þetta undir mig. Ég spurði hvort hún­ ­gerði sér grein fyrir því að ég væri í Sjálf­stæð­is­flokkn­um, en tók sam­t fram að ég væri flug­vall­ar­vin­ur. Ég benti henni á að þetta myndi lík­lega ekki falla í góðan jarð­veg hjá öllum í Fram­sókn­ar­flokkn­um. Hún sagði að henni væri nokk sama um það því henni þætti þessi skrif mín mál­efna­leg.“

Vill ekki fjöl­menn­ing­ar­sam­fé­lag

Gúst­af, sem hefur skrifað tölu­vert um inn­flytj­enda­mál og sam­kyn­hneigða á opin­berum vett­vangi, hefur þótt mjög umdeild­ur. Í við­tal­inu seg­ist hann þó standa við öll þau orð sem hann hafi látið falla og að skoð­anir hans hafi ekk­ert breyst. Hann sé til að mynda mót­fall­inn því að sam­kyn­hneigðir fái að gifta sig í Þjóð­kirkj­unni og hann ekki að Ísland verði fjöl­menn­ing­ar­sam­fé­lag. Trúin geri hins vegar ekki ráð fyrir því að sam­kyn­hneigðir gift­ist í kirkju. "Þetta er guð­fræði­legur ómögu­leiki [...]Og af hverju ­geta sam­kyn­hneigðir ekki bara stofn­að sína eigin kirkju og látið Þjóð­kirkj­un eiga sig?"

Ekki trú­að­ur, ekki á móti hommum og ekki ras­isti

Gústaf seg­ist ekki vera trú­aður og hann sækir ekki kirkju. Hann sé hins veg­ar ­mik­ill áhuga­maður um trú­ar­brögð og kristna sið­fræði. Hann seg­ist ekki á móti hinsegin fólki, það megi vera þannig ef það vilj­i.„­Maður getur ekki verið á móti sam­kyn­hneigð­um, ekki frekar en fötl­uð­um. Það er alls konar fólk á með­al­ okk­ar“.

Hann seg­ist heldur ekki vera ras­isti eða á móti útlend­ing­um. „Þegar ég segi að við eigum að móta skyn­sama inn­flytj­enda­stefnu þá er það sagt til marks um að ég sé haldin útlend­inga­fó­b­íu. Ég er það ekki, en við verðum að hafa ein­hverja stefnu.

Núna er til dæmis verið að flytja inn homma og les­b­íur frá Mið-Aust­ur­lönd­um, á vegum rík­is­stjórn­ar­inn­ar. Þá er verið að velja fólk til að koma hingað á grund­velli kyn­hneigð­ar. Ann­að­hvort ertu flótta­maður eða ekki flótta­mað­ur, það er ekki hægt að velja úr flótta­mönn­um[...] en ég geri enga athuga­semd við það þegar fólk kem­ur hingað í góðum og lög­mætum til­gangi. Ef það vill aðlag­ast land­inu og siðum þess, læra tungu­mál­ið, vinna og sjá fyrir sér, þá er það vel­kom­ið. En ég vil alls ekki vera gleiður á því að úthluta fólki íslenskum rík­is­borg­ara­rétti. Ég geri þá kröfu að sá sem fær íslenskan rík­is­borg­ara­rétt geti að minnsta kosti talað eitt­hvað í mál­inu, skrif­að og hugsað á íslensku. Mér finnst ótækt að veita fólki íslenskan rík­is­borg­ara­rétt ­sem skilur ekk­ert í tungu­mál­inu og veit ekk­ert hvað fram fer. Við getum heldur ekki flutt inn fólk á grund­velli ein­hverrar vor­kunn­sem­i“.