Fyrir þá sem eru áfram í Sýr­landi, en freista þess ekki að hefja nýtt líf með því flýja stríðs­hrjáð svæði í land­inu, er dag­legt líf best lýst með orð­inu „martröð“. Þetta kemur fram í ítar­legri umfjöllun New York Times í dag, en blaða­menn­irnir Maher Saaman og Anne Barn­ard hafa dvalið í land­inu að und­an­förnu og fylgt flótta­mönnum eftir þegar þeir leggja land undir fót og freista þess að hefja nýtt líf í Evr­ópu, eftir mörg þús­und kíló­metra ferða­lag.

Staða mála í Sýr­landi hefur versnað hratt á und­an­förnum mán­uðum og er talið að 9,5 millj­ónir manna, af ríf­lega 22 millj­óna heildar­í­búa­fjölda, sé á flótta vegna stríðs­á­taka. Tæp­lega fimm millj­ónir reyna nú að kom­ast áfram til ann­arra landa, ekki síst í Evr­ópu, á meðan aðrir eru á flótta innan Sýr­lands. Mat­ar- og vatns­skortur er við­var­andi og aðstæður allar hinar ömur­leg­ustu, hjá millj­ónum manna. Í umfjöll­un­inni kemur enn fremur fram, að litla aðstoð sé að fá á stórum svæð­um, og ótt­inn við byssu­kúlur og ofbeldi öfga­manna er „í loft­in­u“.

Margir óbreyttir borg­arar hafa dáið í Sýr­landi eftir ógn­vekj­andi og mis­kunn­ar­laust ofbeldi. Sam­kvæmt umfjöllun New York Times eru 8.871 dauðs­föll skýrð með því að við­kom­andi hafi látið lífið eftir mann­rán eða pynt­ing­ar. Þetta hafi gerst nán­ast handa­hófs­kennt gagn­vart borg­urum sem hafi kynnt undir mik­inn ótta og gert það að verkum að margir sjái ekk­ert annað í stöð­unni en að flýja land.

How #Syri­ans Are Dying - The New York Times htt­p://t.co/­TOTcM­r7HaL

— Yuka Tachi­bana (@ytachi­bana) Sept­em­ber 15, 2015