Íslands­póstur segir í frétta­til­kynn­ingu að þróun bréfa­magns hér á landi, hafi nú veru­lega nei­kvæð áhrif á afkomu bréfa­dreif­ingar Pósts­ins og að gera megi ráð fyrir að „tekjur af bréfa­dreif­ingu hefðu verið um 1.800 millj­ónum króna á árinu 2014 ef verð hefði breyst í sam­ræmi við vísi­tölu neyslu­verðs og magn hefði hald­ist óbreytt frá árinu 2007.“

Til­kynn­ing­in, sem send var til fjöl­miðla í dag, er með fyr­ir­sögn um að fækkun bréfa, sem sagt minni notkun fólks á bréfa­send­inum til sam­skipta, hafi haft „al­var­leg áhrif á afkomu Íslands­póst­s“.

Magn­minnkun á bréfum sem Íslands­póstur hefur einka­rétt á, það er á bréfum undir 50 grömm­um, var 8,1 pró­sent í fyrra. Bréfa­notk­unin hefur minnkað úr 50 millj­ónum árið 2007 í 27,5 millj­ónir í fyrra, eða um 45 pró­sent, að því er segir í til­kynn­ing­unni.

Gera má ráð fyrir að tækni­þróun eigi þarna mik­inn hlut að máli, enda bréfa­send­ingar ekki eins og mikið not­aðar til sam­skipta og upp­lýs­inga­skipta nú eins og á árum áður, þegar inter­netið hafði ekki umbylt sam­skipta­mögu­leik­um.

„Spá Íslands­pósts gerir ráð fyrir enn frek­ari magn­minnkun á næstu árum en gert er ráð fyrir að hún geti orðið allt að 30% til árs­loka 2019,“ segir í til­kynn­ingu Íslands­pósts.

Þróun bréfa­magns hefur haft veru­leg áhrif á afkomu bréfa­dreif­ingar Pósts­ins en gera má ráð fyrir að tekjur af bréfa­dreif­ingu hefðu verið um 1.800 mkr. hærri á árinu 2014 ef verð hefði breyst í sam­ræmi við vísi­tölu neyslu­verðs og magn hefði hald­ist óbreytt frá árinu 2007. Þegar horft er til árs­ins 2019 má gera ráð fyrir að tekjur verði um 800 millj­ónum lægri en árið 2014.

Í til­kynn­ing­unni kvartar Íslands­póstur enn fremur undan því að kvaðir um póst­dreif­ingu séu enn þær sömu og áður, og dreifi­kerfið haldi áfram að stækka, með fleiri póst­lúg­um.

„Burð­ar­gjöld eru lægst á Íslandi sam­an­borið við Norð­ur­lönd­in, Bret­land og Þýska­land sam­kvæmt nýút­kominni skýrslu Póst- og fjar­skipta­stofn­unar í Sví­þjóð en á sama tíma eru hlut­falls­lega fæst bréf á íbúa hér á landi. Íslands­póstur hefur um nokk­urt skeið gert til­lögur til stjórn­valda um breyt­ingar á fyr­ir­komu­lagi bréfa­dreif­ingar til þess að mæta auknum kostn­aði og minnk­andi tekjum af bréf­um, en ekki er búið að fall­ast á þær breyt­ingar enn sem komið er,“ segir í frétta­til­kynn­ingu Íslands­pósts.