Hag­vöxtur á Íslandi hefur ekki mælst meiri á fyrri helm­ingi árs síðan 2007. Sam­kvæmt mæl­ingum Hag­stof­unnar nam vöxtur lands­fram­leiðslu 5,2 pró­sentum á fyrri helm­ingi árs 2015. Er það tals­vert umfram spá Seðla­bank­ans fyrir árið í heild, en í nýj­ustu spá bank­ans frá síð­asta mán­uði er búist við að hag­vöxtur í ár yrði 4,2 pró­sent.

Grein­ing Íslands­banka bendir á þetta í dag en Hag­stofan greindi í morgun frá hag­vexti á fyrstu sex mán­uðum árs­ins. Grein­ing Íslands­banka segir að kröft­ugur vöxtur í útflutn­ingi á fyrri helm­ingi árs skýri mestan mun­inn á spá Seðla­bank­ans og nið­ur­stöðu fyrsta árs­helm­ings. Ljóst er að Pen­inga­stefnu­nefnd Seðla­bank­ans mun taka til­lit til kröft­ugs hag­vaxtar þegar hún kemur saman undir lok þessa mán­aðar við ákvörðun stýri­vaxta, segir grein­ing­ar­deild Íslands­banka.

Umfram allar spár

„Hag­vöxtur á fyrri árs­helm­ingi er einnig umfram okkar nýj­ustu spá sem birt var í maí sl. en hún hljóðar upp á 4,0% hag­vöxt í ár. Einnig er þessi hag­vöxtur tals­vert umfram það sem Hag­stofan spá­ir, en sú er lögð til grund­vallar í nýfram­komnu fjár­laga­frum­varpi. Þar reiknar stofn­unin með 3,8% hag­vexti í ár,“ segir í Morg­un­pósti grein­ing­ar­deildar bank­ans í dag.

Þar segir að hag­vöxtur á fyrri helm­ingi árs sé á nokkuð breiðum grunni. Mik­ill vöxtur sé í einka­neyslu, fjár­fest­ingu og útflutn­ingi en vöxtur einka­neyslu mæld­ist 4,4 pró­sent á fyrri hluta árs. Það er mesti vöxtur einka­neyslu á fyrri árs­helm­ingi síðan 2006. „Ljóst er að bætt fjár­hags­staða heim­il­anna, m.a. vegna vaxtar í kaup­mætti ráð­stöf­un­ar­tekna, er að skila þessum mikla vexti. Er vöxtur einka­neyslu nokkuð nálægt því sem bæði við og Seðla­bank­inn spáum fyrir árið í heild en okkar spá hljóðar upp á 4,6% en spá Seðla­bank­ans 4,2%.“

Umfjöllun grein­ing­ar­deildar Íslands­banka í heild má lesa hér.