Tekjur Tempo, dótt­ur­fé­lags Nýherja, juk­ust um 57 pró­sent á fyrsta árs­fjórð­ungi þessa árs miðað við árið í fyrra og námu 2,2 millj­ónum Banda­ríkja­dala eða sem nemur um 300 millj­ónum króna. Vöxtur Tempo hefur verið ævin­týri lík­astur frá því starfs­menn TM Software komu starf­sem­inni á fót með vöru­þróun og for­rit­un­ar­vinnu inn­an­húss. Þessar tekjur kom til vegna sölu á Tempo Times­heets og Tempo Planner við­bót­unum fyrir JIRA og jókst sala á Tempo Planner um meira en 200 pró­sent sam­an­borið við síð­asta ár, að því er segir í afkomutil­kynn­ingu frá Tempo.

Ágúst Ein­ars­son, fram­kvæmda­stjóri Tempo, segir vöxt­inn ánægju­leg­an. „Mark­mið okkar er að auð­velda fyr­ir­tækjum að skapa, bæta og afkasta vinnu innan settra tíma­marka og kostn­að­ar­á­ætl­ana. Með Tempo vör­unum gerum við við­skipta­vinum okkar kleift að ná mark­miðum sín­um,“ segir Ágúst. „Við erum afskap­lega stolt af því að geta sagt að í hverjum mán­uði velja rúm­lega 150 nýjir við­skipta­vinir Tempo lausn­irnar til að hámarka arð­semi og auka skil­virkni innan fyr­ir­tækja sinna.“

Tempo vöru­merkið er þekkt sem leið­andi og braut­ryðj­andi fyr­ir­tæki í hug­bún­að­ar­gerð á svið­i verk­efna­ og eigna­safns­stjórn­un­ar­lausna (PPM) fyrir JIRA kerfið hjá Atlassi­an. Við­skipta­vinir eru nú orðnir fleiri en sex þús­und og bætt­ust nokkur þekkt fyr­ir­tæki í hóp við­skipta­vina í byrjun árs­ins, meðal ann­ars HBO, Net­flix og EA Sports.

Við­skipta­vin­irnir eru í meira en 100 lönd­um. Þetta eru ­meðal ann­ars stór­fyr­ir­tæki á borð við Dis­ney, eBay, Amazon, AT&T, Oracle, BMW, Dell og Pfiz­er.

Hér með­fylgj­andi má sjá mynd­skeið af því þegar Kjarn­inn heim­sótti Tempo og tók Ágúst Ein­ars­son tali. Fyr­ir­tækið var þá styttra komið í upp­bygg­ingu en vaxta­mögu­leik­arnir voru fyrir hendi, og sagði Ágúst mikla mögu­leika vera til staðar fyrir vörur fyr­ir­tæk­is­ins.

https://vi­meo.com/93353851