Félagið Klappir Develop­ment ehf. og  China Non­fer­rous Metal Industry´s For­eign Engineer­ing and Construct­ion (NFC) hafa und­ir­ritað vilja­yf­ir­lýs­ingu um fjár­mögnun á bygg­ingu 120 þús­und tonna álvers við Haf­ur­staði í Skaga­byggð, sem er í Norð­vest­ur­kjör­dæmi norðan við Blöndu­ós. ­Sig­mundur Davíð Gunn­laugs­son for­sæt­is­ráð­herra og Zhang Weidong, sendi­herra Kína á Íslandi, fluttu ávörp við und­ir­rit­un­ina, sem fór fram í Ráð­herra­bú­staðnum við Tjarn­ar­götu síð­degis í gær.

Í til­kynn­ingu vegna þess segir að Klappir og NFC vinni um þessar mundir í sam­ein­ingu að hag­kvæmni­at­hugun vegna bygg­ingar og rekst­urs fyr­ir­hug­aðs álvers. Heild­ar­kostn­aður verk­efn­is­ins sé áætl­aður rúmir 100 millj­arðar króna, eða um 780 millj­ónir Banda­ríkja­dala. Áætl­anir ger­i ráð fyrir 240 var­an­legum störfum í álveri Klappa og allt að 800 tíma­bundnum störfum á bygg­ar­tíma.

Ætla að fjár­magna í gegnum kín­verska eða aðra banka

Þar er haft eftir Ingvari U. Skúla­syni, fram­kvæmda­stjóra Klappa Develop­ment að und­ir­rit­unin sé mik­il­vægur áfangi í unfirbún­ings­ferl­inu. "Klappir og sveit­ar­fé­lögin á Norð­ur­landi vestra fagna því að jafn öfl­ugur og traustur aðili og NFC skuld­bindi sig til þát­töku í þróun verk­efn­is­ins. Fram­boð á nauð­syn­legri orku mun ráða því hvenær hægt verður að hefja rekstur álvers að Haf­urs­stöð­u­m." Ingvar er skráður eini eig­andi Klappa Develop­ment í fyr­ir­tækja­skrá.

Í vilja­yf­ir­lýs­ing­unni á milli Klappa Develop­ment og NFC er kín­verska sam­starfs­að­il­anum falin svokölluð „al­fram­kvæmd“ (e. turn­key) verk­efn­is­ins. Sam­kvæmt yfir­lýs­ing­unni ábyrgist NFC fjár­mögnun a.m.k. 70 pró­sent kostn­aðar við fram­kvæmd­ina og upp­bygg­ingu inn­viða í gegnum kín­verska eða aðra banka, auk þess að ábyrgj­ast bygg­ingu allra mann­virkja sem og rekstur álvers­ins á meðan upp­keyrslu þess stend­ur.  Í vilja­yf­ir­lýs­ing­unni er einnig kveðið á um sam­vinnu Klappa og NFC um gerð samn­inga við þriðja aðila um for­sölu fram­leiðslu­af­urða (e. offta­ke) sem og um sam­starf um gerð samn­inga við selj­endur hrá­efn­is.

Orka liggur ekki á lausu

Ljóst er að orka fyrir verk­efni að þess­ari stærð­argráðu liggur ekki á lausu. Í Morg­un­blað­inu í morgun var greint frá því að í kjöl­far þess að Alþingi sam­þykkti breyt­ing­ar­til­lögu við ramma­á­ætl­un, sem felur í sér að hvorki Holta­virkjun né Urriða­foss­virkjun eru settar í nýt­ing­ar­flokk, væri ljóst að Lands­virkjun muni ekki geta útvegað nægi­lega orku til að anna tveimur stórum stór­iðju­verk­efnum í Helgu­vík og á Grund­ar­tanga. Um er að ræða kís­il­málm­verk­smiðju Thorsil á fyrr­nefnda staðnum og sól­ar­kís­il­verk­smiðju Sil­icor Mater­i­als á þeim síð­ar­nefnda. Þau verk­efni eru bæði komin lengra á veg en fyr­ir­hugað álver í Skaga­byggð.

Land­vernd hefur lagst alfarið á móti því að reist verði álver á Norð­vest­ur­landi en sveit­ar­fé­lög á svæð­inu höfðu þegar skrifað undir vilja­yf­ir­lýs­ingu við Klappir vegna verk­efn­is­ins.