Ungur Hús­vík­ing­ur, Axel Fló­vent, er með vel á aðra milljón spil­anir á Soundcloud og er nýkom­inn heim úr tón­leika­ferða­lagi um Þýska­land og Bret­land. Þrátt fyrir það er hann ekk­ert sér­stak­lega þekktur hér á landi.

Axel spilar í annað skipti á Iceland Airwa­ves tón­list­ar­há­tíð­inni í byrjun næsta mán­að­ar, og í til­efni hátíð­ar­innar fram­leiddu Airwa­ves og Lands­bank­inn tvö mynd­bönd með Axel auk þess sem tekið var við hann stutt við­tal. Þar kemur meðal ann­ars fram að hann hafi næstum ekk­ert dvalið í Reykja­vík fyrr en hann kom þangað til að koma fram á Airwa­ves í fyrra. „Ég lærði eig­in­lega bara alveg á Reykja­vík með því að fara á Airwa­ves og vera að þekkja stað­ina.“

Axel Fló­vent - við­tal from Lands­bank­inn þinn on Vimeo.

Axel Fló­vent segir líka að honum hafi leiðst mjög mikið sem barni, það er áður en hann fór að stunda og semja tón­list eftir að hann eign­að­ist sinn fyrsta gítar tíu ára gam­all.

Lagið Dancers er lík­lega þekktasta lag Axels hér­lend­is, en það hefur verið í spilun á útvarps­stöðvum und­an­far­ið. Kjarn­inn frum­sýnir hér mynd­bandið við lag­ið, og einnig lagið Fireworks.

https://www.youtu­be.com/watch?v=R­h5u­bIRH­sPM

Axel Fló­vent vinnur að nýrri plötu um þessar mundir, en hann gaf út EP plöt­una For­est Fires í sum­ar. Hann samdi í fyrra við breksa plötu­fyr­ir­tækið Trellis Records, um útgáfu í Bret­landi. Þá var hann aðeins nítján ára gam­all og nem­andi í Verk­mennta­skól­anum á Akur­eyri, en nokkur útgáfu­fyr­ir­tæki sýndu honum áhuga eftir að hann fór að setja tón­list sína inn á Soundcloud.

https://www.youtu­be.com/watch?v=V7zjY9kk­hZM