Pæl­ing dags­ins er hluti af dag­legum frétta­pósti Kjarn­ans, þar sem farið er yfir það helsta í inn­lendum og erlendum frétt­um. Í pæl­ingu dags­ins er athygl­is­verðum hlutum velt upp.

Fjöldamorðin í Par­ís, þar sem sautján ein­stak­lingar létu líf­ið, hafa dregið dilk á eftir sér og sett kast­ljósið á hryðju­verka­sam­tök og ógn­ina sem af þeim stafar. Aðgerðir víða í Evr­ópu, meðal ann­ars í Belgíu, sýna enn fremur að stjórn­völd víða og alþjóða­sam­fé­lagið í gegnum starf alþjóða­stofn­ana tekur ógn­ina alvar­lega og bregst við af hörku. Sam­hliða atburðum sem þessum sprettur jafnan upp umræða um trú­ar­brögð, minni­hluta­hópa og menn­ing­ar­á­rekstra.

Múslimar eru oft and­lag í þess­ari umræðu. Þetta hefur gerst hér á landi að und­an­förnu, alveg eins og víða ann­ars staðar í heim­in­um. Það sem mestu skiptir í þess­ari umræðu, að mati bréf­rit­ara, er að ein­angra glæpa­menn­ina og morð­ingj­ana algjör­lega frá umræð­unni um trú­ar­brögð­in. Það þarf að gera í allri umræðu, og ættu fjöl­miðlar sér­stak­lega að hafa þetta í huga. Menn­irnir sem skutu blaða­menn Charlie Hebdo voru ekki sendi­boðar trú­ar­bragða eða hug­mynda­fræði, heldur stigu þeir með afger­andi hætti yfir línu rétt­ar­rík­is­ins og gerð­ust sekir um hrika­legan sið­lausan verknað sam­kvæmt okkar gildum og lög­um. Þeir voru fjöldamorð­ingjar, studdir áfram af fólki sem heldur úti skipu­lagðri glæp­a­starf­semi. Ekki síst af þessum sök­um, þá ættu þing­menn að tala var­lega og færa umræð­una hér á landi, sem á rætur að rekja til hrika­legra glæpa úr í heimi, ekki beint inn á borð trú­ar­bragð­anna. Þar á hún ekki heima. En hinir sið­lausu glæpa­menn, sem halda úti skipu­lagðri glæp­a­starf­semi undir fölsku flaggi trú­ar­bragð­anna, vilja einmitt að umræðan sé færð þang­að. Það er algjör óþarfi að gera þeim þann greiða.

Frétta­póstur Kjarn­ans kemur í póst­hólfið þitt á hverjum morgni.