Í þriðja þætti Aðfar­ar­innar er farið yfir það helsta í skipu­lags­fréttum vik­unn­ar.

Vega­gerðin og Hafna­fjarð­ar­bær kynntu ný mis­læg gatna­mót á mótum Krísu­vík­ur­vegar og Reykja­nes­brautar og á borg­ar­stjórn­ar­fundi vik­unnar var sam­þykkt að skoða nýja útfærslu á gatna­mótum Bústaða­vegs og Reykja­nes­braut­ar.

Í ljósi þessa velta Guð­mundur og Magnea upp spurn­ing­unni um hvort mis­læg gatna­mót séu góð lausn við umferða­vanda og best til þess fallin að tryggja öryggi fólks í umferð­inni. Gömul en góð frétt Þor­björns Þórð­ar­sonar um önnur mis­læg gatna­mót var rifjuð upp af þessu til­efni þar sem rætt er við pró­fessor í sam­göngu­verk­fræði um kosti og galla þess­ara risam­ann­virkja.

Hönn­un­ar­mars kemur einnig við sögu í þætt­inum en á meðal við­burða á hátíð­inni var opnun sýn­ing­ar­innar „Hvað er í gang­i?“ í Ráð­húsi Reykja­víkur sem fjallar um þróun upp­bygg­ingar í mið­borg­inni. Upp­bygg­ingin er útskýrð með mód­el­um, töl­fræði og skemmti­legum við­töl­um. Í þætt­inum er fjallað um tæki skipu­lags­yf­ir­valda til að stýra upp­bygg­ing­unni og hvaða leiðir er hægt að fara til að tryggja fjöl­breytta og bland­aða byggð.

Í nýju tölu­blaði Borg­ar­sýnar, frétta­riti Umhverf­is- og skipu­lags­sviðs Reykja­víkur er fjallað um fram­kvæmdir í kringum Klambratún, ramma­skipu­lag Elliða­vog-Ár­túns­höfða­svæð­is­ins og sam­keppni um Gufu­nes svo fátt eitt sé nefnt.

Hlust­endur eru einnig hvattir til að kynna sér nýtt deiliskipu­lag KHÍ-reits­ins sem nú er í kynn­ingu en til stendur að fjalla ítar­lega um það á næst­unni.

Aðförin er nýtt hlað­varp um skipu­lags­mál. Umsjón­ar­menn eru Magnea Guð­munds­dóttir og Guð­mundur Krist­ján Jóns­son.