Don­ald John Trump verður 45. for­seti Banda­ríkj­anna. Lýð­ræðið hefur tal­að. Sigur Trump á Hill­ary Clinton virð­ist hafa komið eins og þruma úr heið­skíru lofti, öllum að óvörum, eða hvað?

Flest, ef ekki öll, spálíkön og skoð­ana­kann­anir spáðu Clinton sigri og það sama gildir um helstu fjöl­miðla- og fræði­menn. Þrátt fyrir þetta vann Trump nokkuð sann­fær­andi sigur sem tryggir honum meiri­hluta í kjör­manna­ráð­inu. Þar að auki héldu Repúblikanar meiri­hluta í báðum þing­deildum Banda­ríkja­þings. Það mun reyn­ast erfitt að finna eina hald­bæra skýr­ingu á sigri Don­ald Trump og eflaust allt of snemmt að fella dóma. Hins vegar er alveg ljóst að boð­skapur hans gegn frí­versl­un­ar­samn­ing­um, lof­orð um fjölgun starfa, íhaldsaman hæsta­rétt og herta inn­flytj­enda­lög­gjöf hefur náð til fjöl­margra kjós­enda.

Í sér­stökum auka­þætti Kana­varps­ins fara þeir Hall­grímur Odds­son og Hjalti Geir Erlends­son yfir þessi ótrú­legu- og sögu­legu úrslit. Í þætt­inum fara þeir meðal ann­ars yfir stór­gall­aðar skoð­ana­kann­anir og eins­leitan frétta­flutn­ing auk þess að stikla á stóru um hugs­an­leg fyrstu skref Trumps í emb­ætti for­seta. Ljóst er að úrslitin kalla á mikla sjálfs­skoð­un, hjá báðum flokk­um, ekki síst hjá frjáls­lyndum Demókröt­um, auk fjöl­miðla, grein­ing­ar-­fyr­ir­tækja og sér­fræð­inga.