Í Sparkvarpi vik­unnar fara þeir Árni, Þor­geir og Þór­hallur víða um Evr­ópu og spjalla um hvaða lið eiga mögu­leika á að spila í efstu deildum á næsta tíma­bili. Maí er ekki bara mán­uður Eurovision, prófsvita og gyðj­unnar Maiu, heldur er hann einnig mán­uð­ur­inn þar sem stærstu lið Evr­ópu spila síð­ustu leiki tíma­bils­ins. Það er nán­ast ljóst hvaða lið vinna doll­una í ár en spennan er enn þá mikil á ein­hverjum víg­stöð­um.

Á Ítalíu eru mörg lið sem eiga séns á að leika í Serie A á næsta tíma­bili. Árni er staddur í Mílanó og fer yfir hvaða lið geta enn þá tryggt sér sæti meðal þeirra bestu. SPAL tróna á toppnum í Serie B og eiga mögu­leika á að kom­ast upp í efstu deild eftir nærri 50 ára fjar­veru.

Það er nóg eftir af Champ­ions­hip-­deild­inni í Englandi þó að hefð­bundin deild­ar­keppni sé búinn. Fjögur lið eiga eftir að mæt­ast í umspili um eitt laust sæti í úrvals­deild­ina en Newcastle og Brighton hafa þegar tryggt sér far­miða þang­að. Rea­d­ing, Sheffi­eld Wed­nes­day, Hudd­ers­fi­eld og Ful­ham hafa öll staðið sig vel á tíma­bil­inu en því miður er ein­ungis eitt sæti laust milli deilda.

Lín­urnar eru nokkurn veg­inn farnar að skýr­ast í Bundesligu 2 í Þýska­landi varð­andi hvaða lið munu fara upp en ýmis­legt getur gerst. Liðin sem féllu úr Bundeslig­unni í fyrra, Stutt­gart og Hannover 96, sitja í tveimur efstu sæt­unum en bar­áttan er gríð­ar­leg um þriðja sætið sætið sem jafn­framt er umspils­sæt­ið. Strák­arnir í Sparkvarp­inu krossa fingur með fleiri fót­boltaunn­endum og vona að hip­ster-­klúbb­ur­inn Union Berlin nái að landa þessu sæti.