Árni, Þor­geir og Þór­hallur eru mættir aftur með Sparkvarpið eftir nokk­urra vikna sum­ar­frí. Að þessu sinni ein­blína þeir á sam­bands­lýð­veldið Þýska­land. Farið er yfir fall 1860 Munchen úr 2.Bundeslig­unni. Liðið tap­aði nýverið í umspili gegn Jahn Reg­ens­burg og féll ekki niður um eina heldur tvær deild­ir, alla leið niður í fjórðu deild vegna þess að þeir neit­uðu að greiða þát­töku­gjald fyrir þriðju deild­ina.

Eig­andi þeirra, Hasan Ismaik hefur stöðvað allt inn­streymi pen­inga í klúbb­inn og hót­aði um dag­inn að hefja mál fyrir dóm­stólum vegna 50+1 regl­unar í Þýska­landi. Reglan segir til um að eng­inn utan­að­kom­andi aðili megi hafa meira en 50 pró­sent ákvörð­un­ar­vald innan félaga í Bundeslig­unni.

Mikil umræða hefur skap­ast á milli félaga í Bundeslig­unni hvort það eigi að leggja niður þessa reglu, sér­stak­lega vegna þess að félög eins og RB Leipzig hafa fundið hjá­leiðir fram hjá regl­unni. Strák­arnir ræddu hvað það myndi mögu­lega hafa í för með sér og hvort að deildin myndi hagn­ast af slíkri ákvörð­un.

Ásamt því að ræða um 50+1 og ljónin í 1860 Munchen opnar Sparkvarpið kist­una. Kistan er dag­skrár­liður sem lítur til baka á áhuga­verða atburði í fót­bolta­sög­unni. Að þessu sinni var fjallað um Berliner FC Dyna­mo, sem unnu 10 titla í röð á árunum 1979-1988. Liðið var ansi umdeilt og í eigu leynilög­regl­unnar Stasi sem not­aði allt sitt vald svo lið­inu gengi sem best.